1 Timotiu 3:14 - Sura Malelaha

¹⁴ Timotiu, ara mpuu tunggaiaku lao mosondakiko. Nauri nodo, kupakatuako sura ide,

1 Timotiu 3:14 교차 참조

Pilemo 1:22

Hai kuperapi wori bona nupasilolongaana haogu lincu i soumu, lawi kuharunga Pue Ala ina mohanai pekakaemi bona tekabahana hangko i tarunggu ide, alana peisakau kusondaki.

1 Korintu 11:34

Ane ara au marimi, agina maande amikau mai i sou. Ane nibabehi apa au hintoto i poteruhuami maminggu, barakau ina molambi pehuku hangko i Pue. Au ntanina, ina rapakanotoaraikau ane hawena irikamu.

3 Yohane 1:14

Lawi kuharunga barapi mahae ina mohidupa mbulike bona ara katepakanta mololita sambela.

2 Yohane 1:12

Katouana ngkaia mani au kupeinao kupahaweakau, agaiana bara kuunde ane ope-ope kupahawe melempo i sura ide. Lawi tunggaiaku ina laokau kusondaki, hai ope-ope iti ina kupahaweakau bona matana ntepuuke.

Ibarani 13:23

Bona niisa wori: halalunta Timotiu rakabahami hangko i tarunggu. Ane polo hawe inde, kuporanga lao mosondakikau.

1 Timotiu 4:13

Hangko damanina hawe, Sura Malelaha hangangaa nubasaa liliuhe halalunta hampepepoinalai. Hangangaa nupakaroho liliu lalunda hai nupaturohe.

1 Tesalonika 2:18

Arami tunggaiaki lao mosondakikau. Iko Paulu, bahangkiami belana kutunggai lao irikamu, agaiana Datu Tokadake mohomboki liliuna.

1 Timotiu 3:13

Ane maroa pokingkinda bagona Pue, ina rabilahe tauna, hai ina tetambai kapebainda mampololita kana i pepoinalainda i Kerisitu Yesu.

1 Timotiu 3:15

bona ane rapana mahae manina pane hawe irio, nuisa babehia au hintoto i ope-ope taunana Pue Ala. Lawi ikita ide, menombake i Pue Ala au tuwo i hae-haena. Ikita au mokingki paturo au tou au hangko i Pue Ala. Maroho mpuu pepoinalainta i paturo iti, hai takampai paturo iti bona dati ara au mobaliki.