1 Timotiu 1:4 - Sura Malelaha

⁴ Nukontohe bona ineehe mampololita lolita au rabababehi ba au bara tou kana i ulu bubunda au bara mau hopo. Ope-ope iti mopaara pea pobungka-bungka, lawi barahe mampeulai tunggaiana Pue Ala au taisa hangko i pepoinalainta.

1 Timotiu 1:4 교차 참조

Titu 3:9

Agaiana ara worihe tauna au mombehehe hai mampombehanaingi atura agama Yahudi ba tuntukana pemuleanda. Nukaraohihe! Nupalehi peamohe i pombembehanainda au bara mobundu hai au bara moanti pewati i tauna.

Titu 1:14

Weihe lolita bona ineemohe mohaile lolitanda to Yahudi au moula pea parenta-parenta hangko i manusia au mosapuaka paturo au tou.

1 Timotiu 4:7

Ineeko motende tempomu lao mampehadingi lolita au bara tou hai au moanti peake mampeulai peundeana lalunta au kadake. Agina nupakaroho lalumu mengkoru i Pue Ala.

2 Timotiu 4:4

Mengkantulihe ane mohadihe paturo au tou, agaiana paturo au rapapatunda, itiri au raunde rapehadingi.

2 Peturu 1:16

Kipaturoakau kamahilena kuasana Amputa Yesu Kerisitu hai kaina haweNa hule i dunia. Au kipaturoakau ide, bara pea lolita au rababehi. Kiisa apa au kipaturoakau, lawi kisabiki mata peawana tuwona Yesu.

1 Timotiu 6:20

Oio Timotiu, napoinalaiamoko Pue Ala moanti paturo au manoto. Mewali, hangangaa nukingki maroa paturo iti dati ara au mobaliki. Karaohi lolita au bara mobundu hai paturo au bara manoto au rauli kapande agaiana bara tou.

Ibarani 13:9

Mewali ineekau mampeulai paturo wou au mepakanawo hai au mosisala hai pepoinalainta, nodo ada hai palia i paande. Lawi ada iti bara moanti katuwo maroa. Aginami tapakaroho lalunta hangko i kabulana laluna Pue Ala, lawi iti au moanti katuwo maroa irikita.

2 Timotiu 2:14

Timotiu! Ope-ope au kuuli ide hangangaa nupopaingaahe to sarani au ara inditi. Nuweihe lolita i lindona Pue Ala bona ineehe mampombehanaingi rara mpoagama. Lawi pombehahanai iti bara mobundu i lalu katuwonta, agaiana mopakarugi pea pepoinalainda tauna au mohadi.

2 Timotiu 2:22

Timotiu, ido hai kuweiko lolita, bona ineeko mampeulai peundeana lalumu nodo au biasa i tauna au mangura manihe. Nupari-pari mampeulai babehia au naunde Pue. Nupakaroho kamatundumu i Pue hai kamaahimu i hangka rangamu. Mohintuwuko hai ope-ope tauna au mekakaehe i Pue hangko i kabulana lalunda.

1 Timotiu 6:11

Agaiana oio Timotiu, hawinamoko Pue Ala. Nupakarao tuwomu hangko i ope-ope babehia au nodo. Nupari-pari mampeulai babehia au manoto hai mengkoruko i Pue Ala. Nupakaroho pepoinalaimu i Kerisitu hai kamaahimu i hangka rangamu, mantahako i lalu kapari hai Nupamaalusu poantimu i hangka rangamu.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

Titu 1:1

Sura ide hangko iriko, Paulu, hawina Pue Ala hai surona Yesu Kerisitu. Naangkana Pue Ala mewali suroNa, hai Natuduna mopakaroho pepoinalainda tauna au Napilei. Natudu worina mopaguruahe paturo au tou, lawi ane tapeulai paturo au tou iti, ina mengkoruke i Pue Ala.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

Epesu 3:2

Manoto nihadimi noumba kanaweingku Pue Ala bago ide bona moantina Ngkora Marasa kana i kamaahina Pue Ala irikamu au barakau to Yahudi.

2 Timotiu 2:23

Arahe tauna au mampombehanaingi liliu paturo au bara mobundu, agaiana bara mani manoto i lalunda paturo au tou. Inee nupesuaki pombehahanainda iti, lawi nuisa paturo iti mopaara pea posisala.