1 Tesalonika 5:6 - Sura Malelaha

⁶ Mewali, ineeke lera, ineeke leta mposo nodo tauna au bara mani moisa Pue Ala. Mainga-ingake, hai hangangaa tapamanoto pekirinta.

1 Tesalonika 5:6 교차 참조

1 Peturu 1:13

Mewali, halalu, anti kamarohona peharungami, ido hai kuuliangaakau: nipakanoto pekirimi, nirempeki peundeana lalumi au kadake, hai nipakaroho peharungami i kabulana laluNa au ina raweikau ane hawe hulemi Yesu Kerisitu.

Matiu 24:42

Ido hai Kuuli mainga-ingakau, lawi bara niisa impira Ampumi ina hawe!”

Lukasi 22:46

Nauliangaahe, “Moapari hai letakau? Mearomokau hai mekakaekau datikau narumpa pekelo.”

1 Peturu 5:8

Hangangaa manoto pekirimi hai mainga-ingakau! Lawi Datu Tokadake au mewali iwalimi molulumao nodo hambaa singa au melolo-lolo mohahaoki tauna au ina nahaka. Hangko pelolonato, melangakimi.

Pampetudungia 16:15

Mewali, tegulu mpuumohe ope-ope datu hai surodadona hangko i humalele dunia, i hambua paidaa au i lalu basa Ibarani rahanga: Harmagedon. Nauli Pue Yesu, “Nipehadingi! Ina haweNa i tempo au bara niisa, lawi kahaweNgku nodo topanangka. Morasihe tauna au mainga-inga hai au masilolonga liliu hampinda. Ane haweNa deade, barahe ina lumao mengkabela hai barahe ina maea, lawi masilolongahe Kukahawei.”

Titu 2:12

Hai Napaturoke bona mokabahake babehianta au moula pea peundeana lalunta au kadake hai au bara hintoto hai peundeaNa. Napaturoke bona mewalike matopa, tapamaroa babehianta, hai mengkoruke Iria lianta mani tuwo i dunia ide.

Epesu 5:14

Ido hai ara lolita au manguli: “Mearomokau au leta, Mearomokau hangko i kapate, hai Kerisitu ina mowangkahikau.”

Pampetudungia 3:2

Pearomodekau! Nipakaroho pepoinalaimi au ara mani hangko da mate ope-ope, lawi apa au nibabehi Kuita haha, hai bara mani ara au moleogu i peitana Pue Ala UmaNgku.

1 Peturu 4:7

Halalu, kahopoa dunia ide hungkumi hai ope-ope ihina ina matanta. Ido hai hangangaa mainga-ingakau hai nipamanoto pekirimi bona peisakau mekakae.

1 Korintu 16:13

Mainga-ingakau. Nipakaroho pepoinalaimi! Nipakaroho lalumi! Mantahakau i pepoinalaimi!

1 Timotiu 2:9

Nodo wori towawine. Hangangaa mopakehe hampi au hintoto, moula ada au maroa. Ineehe mobubungai hampinda bona ratoiahe ranganda, ineehe mampopengaa-ngaa weluanda, ineehe mopake bulawa ba mutiara hai hampi au masuli-masuli.

Titu 2:6

Nodo worihe tobalilo au mangura mani, nupaturohe bona raisa morempeki ope-ope peundeana lalunda au kadake.

1 Timotiu 3:2

Ido hai hadua penatua hangangaa au bara ara kamasalana. Hangangaa hadua pea towawinena, hai hangangaa nabuku morempeki peundeana laluna au kadake. Hangangaa manoto laluna hai maroa adana. Hangangaa matana modoko torarena. Hangangaa naisa mepaturo.

Kolose 4:2

Ineekau oha-oha mekakae, hai i lalu pekakaemi hangangaa mainga-ingakau hai niuli liliu ngkaia kamaroana i Pue Ala.

Epesu 6:18

Hai i lalu pombealami moewa Datu Tokadake, mekakaekau hai merapi tulungi liliukau i Pue Ala. I hinangkana, mekakaekau moula peninina Inao Malelaha. Ineekau oha-oha mekakae hai hangangaa nipekakaea liliuhe ope-ope tauna au mepoinalai i Pue Yesu.

Lukasi 21:36

Mewali, mainga-ingakau, hai mekakaekau i Pue Ala bona tekabahakau hangko i ope-ope kapari au ina mewali, hai bona nibuku meangka i lindoKu, Iko Ana Manusia.”

Lukasi 12:39

Hangangaa nipailalu ngkora pandiri ide: ane naisa ami ampu sou impira kahawena topanangka, batena mainga-inga; bara napogiangaa mesua i lalu souna.

Matiu 25:13

Napahopo Yesu ngkora pandiriNa node, “Ido hai hangangaa masilolongakau, lawi bara niisa kaimpirana kahaweNgku.”

Matiu 25:5

Agaiana anti kamahaena toratauna tobalilo iti rapepegia, alana maleluemohe anantowawine iti, hai kahopoana leta hahamohe.

Matiu 13:25

I laembengi tangana tauna leta, hawemi iwalina topobonde iti mohawuka wua dana au ina himbela hai pare i bonde iti, hai roo indo, ia padu.

2 Timotiu 4:5

Timotiu, kuweiko lolita bona nuisa morempeki peundeana lalumu. Mantahako mohalea kapari. Mobambari liliuko Ngkora Marasa, hai nupahopo maroa ope-ope bago au naweimoko Pue.

1 Timotiu 3:11

Nodo wori towawinenda, hangangaa manoto babehianda hai au hintotohe rabila. Barahe topoanti-anti lolita. Hangangaa raisa morempeki peundeana lalunda au kadake, hai hangangaa rapoinalaihe i paka-pakana.

1 Tesalonika 5:8

Agaiana ikita ide iamoke tauna au ara i kamabaa; ido hai pekirinta hangangaa manoto. Hangangaa mepoinalai liliuke i Pue Ala hai hangangaa mampokaahike ranganta, hangangaa tapakaroho peharaunganta i kaNahoremanta Pue Ala. Itimi parewa pombeala au ina tapolaba moewa kamakaindi.

Pilipi 4:5

Kuharunga ope-ope tauna ina moita kamaroana lalumi. Nikatuinao, barapi mahae Pue ina hawemi.

1 Korintu 15:34

Ido hai kuuliangaakau, nipakanoto lalumi moula paturo au tou, hai nikabahami ope-ope dosami. Lawi ara manikau au bara moisa Pue Ala. Iti kupahawe bona maeakau.

Lukasi 12:37

Morasihe hawi au mainga-inga hai mampegia ampunda, duuna hawe. Lawi ampunda iti ina mowewe pekona, napopohudahe, hai narorahe.

Markus 13:37

Apa au Kuuliangaakau ide, Kuuli wori i ope-ope tauna. Hangangaa mainga-ingakau!”

Matiu 26:38

Nauliangaahe, “Mapari mpuu laluNgku, nodoNa ina mate Kuhadi. Indemokau hampai, niporangaiNa mekakae. Ineekau leta!”

1 Timotiu 2:15

ido hai towawine rahukumohe molambi pantodiha i temponda moana. Nauri nodo, batena molambi worihe katuwo maroa asala mepoinalai liliuhe i Pue, mampokaahi liliuhe hangka ranganda, hai malelaha tuwonda moula ada au maroa.

Epesu 2:3

Hangkoia, ikita ope-ope nodo wori babehianta. Moula peake peundeana lalunta hai pekirinta au kadake. Nodo ihira, i tempo iti ikita hintoto worike nakarumpui Pue Ala anti babehianta au kadake.

1 Tesalonika 4:13

Halalu, tunggaiana lalungki bona moisa mpuukau apa au ina mewali i ranganta au matehe dati masusa ntepuu lalumi nodohe tauna au bara ara peharunganda i Pue Ala.

1 Tesalonika 5:10

Yesu Kerisitu mate mopahuruke bona ane hawe deade, ina tuwoke hihimbela hai Ia. Kehapiri matemoke ba tuwo manike i tempo iti, batenta ina tuwo hihimbela hai Ia.