1 Tesalonika 5:20 - Sura Malelaha

²⁰ Inee bara nipoinalai lolitana Pue Ala au rapahawe tuduaNa.

1 Tesalonika 5:20 교차 참조

1 Korintu 14:1

Mewali, au hangangaa tapaioru, iami kamaahinta i ranganta, hai hangangaa tapari-pari wori molambi kapande hangko i Inao Malelaha. Agaiana kapande au meliu pobunduana, iami kapande mopahawe lolita hangko i Pue Ala.

1 Korintu 11:4

Ane hadua tobalilo metolombu i tempona mekakae ba mopahawe lolitana Pue Ala i paminggu, ia mopapakoi Kerisitu, tadulakona.

1 Korintu 12:28

Hai irikita au mepoinalai, Pue Ala mopakanotomi bona hadua-hadua ara bagona, kaisa arahe au mewali suroNa, kadua arahe au mopahawe NgkoraNa, hai katalu arahe au mepaturo. Ara worihe au Nawei kuasa mobabehi tanda kuasa. Arahe au Nawei kuasa mepakaoha, arahe au molambi kapande motulungi hangka ranganda, arahe au mewali tadulako, arahe au molambi kapande mololita i lalu basa au hangko i Inao Malelaha.

Suro 19:6

Hai i tempona Paulu moona taiena i tanoananda, mendaulu mpuumi Inao Malelaha mokuasaihe. Unga peahe mololita hai basanda tauna ntanina, hai mohowarahe lolita au hangko i Pue Ala.

1 Korintu 13:9

Lawi ide-ide ope-ope kapande tauna makura mani. Mogalori tauna au mopahawe lolita hangko i Pue Ala, makura mani kapandena.

1 Korintu 13:2

Ane rapana, molambina kapande mopahawe lolita hangko i Pue Ala hai molambina ope-ope kapande hangko i Pue Ala au bara raisa rangangku, hai ane maroho pepoinalaingku pane kubuku mopalimba bulu, agaiana bara maahi lalungku, bara mpuu ara bunduna katuwongku.

1 Korintu 12:10

I tohaduana, Nawei kapande mobabehi tanda kuasa; i tohaduana, Nawei kapande mopahawe lolita hangko i Pue Ala. I hadua wori, Nawei kapande mampopontani apa au hangko i Inao Malelaha hai apa au bara hangko i Inao Malelaha. I tauna ntanina, Nawei kapande mololita i lalu basa au hangko i Inao Malelaha. Hai i hadua wori, Nawei kapande mopalimba lempona basa iti bona raisa hangka rangana.

1 Tesalonika 4:8

Ido hai ane ara tauna au mosapuaka paturo ide, bara manusia au nasapuaka, agaiana Pue Alari au nasapuaka! Tunggaiana Pue Ala moweike Inao Malelaha bona malelaha tuwonta.

Suro 13:1

I olonda to Sarani i Antiokia, arahe bahangkia nabi hai guru mopahawe Ngkorana Pue, hanganda: Baranaba, Simeo au rakakio Tomaeta, Lukius hangko i Kirene, Menahem (au rapatuwo sambela hai Datu Herode Antipas i temponda mani kokoi), hai Saulu.

1 Yohane 4:1

Halalu au kupokaahi! Ineehe hampai nipoinalai ope-ope tauna au mouli kaarana Inaona Pue Ala irihira. Nipeita maroahe, ba tou-tou mpuuhe hangko i Pue Ala ba bara. Lawi iumba-umba pea, arahe nabi au mepawuli.