1 Tesalonika 4:9 - Sura Malelaha

⁹ Kaliliuana halalu, ara paturo au manguli hangangaa mampokaahike halalunta hampepepoinalai. Katouana barapi paraluu kiukiakau paturo iti, lawi napaturomokau Pue Ala bona mombepokaahikau hadua hai hadua.

1 Tesalonika 4:9 교차 참조

1 Yohane 3:11

Idemi bambari au nihadimi hangko i mpolinguruna: hangangaa mombepokaahike hadua hai hadua.

Roma 12:10

Mombepokaahikau hadua hai hadua nodo topohalalu, hai mombeadaikau.

1 Yohane 3:23

Idemi hawaNa irikita: hangangaa mepoinalaike i Yesu Kerisitu AnaNa, hai hangangaa mombepokaahike hadua hai hadua nodo au naparentaiamoke Pue Yesu.

1 Yohane 4:21

Mewali, ide hawana Kerisitu irikita: hema au mampokaahi Pue Ala, hangangaa mampokaahi wori halaluna.

Ibarani 13:1

Mombepokaahi liliukau hadua hai hadua nodo topohalalu.

1 Tesalonika 5:1

Halalu ope-ope, bara paraluu kiukiakau impira alo kahaweana hule Pue.

Suro 4:32

Ope-ope tauna au mepoinalai i Yesu, mohintuwu hai hampepekirihe. Bara ara hadua au manguli, “Ide, iko ampuna,” agaiana ope-ope au ara irihira rapoanu sambela.

1 Yohane 2:10

Tauna au mampokaahihe halalunda, tuwohe i lalu kamabaa, hai bara ara babehianda au mopakanawo ranganda.

2 Peturu 1:7

hai mampokaahikau halalumi hampepepoinalai. Hai mampokaahi worikau ope-ope tauna.

1 Peturu 4:8

Au melumbu hangko i hinangkana, iami pombepokaahimi hadua hai hadua. Hangangaa mombepokaahikau hangko i lalumi mpuu, lawi ane nibabehi nodo, ina nibuku wori moampungi salanda rangami.

1 Peturu 3:8

Kahopoana, ikamu hangangaa mohintuwukau, hampepekirikau, hai mombepokaahikau nodo topohalalu. Hangangaa maahikau hai mengkaiwoikau.

Ibarani 10:16

Nauli Pue Ala: “Idemi podandiKu au wou au ina Kubabehi hai ihira i alo-alo au ina mai. HawaNgku ina Kuwoli i lalunda hai Kuuki i lalu pekirinda.”

Yohane 14:26

Agaiana Topetulungi au natudu mai UmaNgku mewali pahuruna wataNgku, iami Inao Malelaha, Ia ina mopaturoakau hinangkana hai Napopaingaakau ope-ope au Kuuliangaamokau.

Matiu 22:39

Hai parenta karompakana au himbela hai au kaisa iami: ‘Nipokaahi hangka rangami nodo pampokaahimi watami haduduami.’

2 Korintu 9:1

Katouana, barapi paraluu kuukiakau sura kana i doi au ina kianti lao i halalunta hampepepoinalai i wanua Yerusale.

Pilipi 3:15

Mewali, ikita au manoto peulanta i Pue, hangangaa hampepekirike mobabehi nodo au kuuli inona. Agaiana ane arakau au bara himbela pekirimi, Pue Ala batena ina mopakanotoakau paturo au tou.