1 Tesalonika 4:15 - Sura Malelaha

¹⁵ Idemi paturo au kidoko hangko i Pue Yesu: i kahawena hule Pue Yesu, ikita au tuwo manike, barake ina mampehindorungi ranganta au matemohe.

1 Tesalonika 4:15 교차 참조

2 Korintu 4:14

Pue Ala mopatuwo hulemi Pue Yesu. Ido hai kiisa hambela tempo ina Napatuwo hule woringkai hai Naantingkai lao i lindoNa hihimbela hai ikamu.

1 Tesalonika 2:19

Kipeinao mpuu mosondakikau, lawi ane hawemi Amputa Pue Yesu hai moguluke i lindoNa, ikamumi au mewali wua pobagongki au kipokatana. I tempo iti ina mahile ntepuu kamatanana lalungki anti kaikamuna.

Matiu 17:25

Nahanai Peturu, “Nabaiari!” Hangko inditi, mesulemi Simo Peturu lao i sou paidaanda. Kahawena, bara mani tepaka mololita, iorumi Yesu mekune, “Simo, noumba pelambiamu: hema au hangangaa mobaiari asele i datu au mokamumu tampo ntanina? Ba taunana haduduana, ba tauna i tampo au nakamumu?”

1 Korintu 15:18

Hai ane nodo, to Sarani au matehe, bara ara peharunganda.

2 Korintu 12:1

Bara ara bunduna motoiake watanta haduduanta. Agaiana nauri nodo, kutoia liliu watangku haduduangku. Ina mampololitana apa au napopaitaa hai rapatongawaana Pue.

Galatia 1:12

Ngkora Marasa iti, bara kudoko hangko i manusia, bara wori ara tauna au mopaguruana. Agaiana Yesu Kerisitumi au mopahawe Ngkora Marasa iti iriko.

1 Tesalonika 4:13

Halalu, tunggaiana lalungki bona moisa mpuukau apa au ina mewali i ranganta au matehe dati masusa ntepuu lalumi nodohe tauna au bara ara peharunganda i Pue Ala.

1 Tesalonika 5:10

Yesu Kerisitu mate mopahuruke bona ane hawe deade, ina tuwoke hihimbela hai Ia. Kehapiri matemoke ba tuwo manike i tempo iti, batenta ina tuwo hihimbela hai Ia.

2 Tesalonika 2:1

Kaliliuana halalu, kipeinao kiuliangaakau kana i kahawena hule Amputa Yesu Kerisitu, hai kana i kaina ragulunta bona hihimbelake hai Ia,