1 Tesalonika 3:10 - Sura Malelaha

¹⁰ Wengi-wengina hai alo-alona merapingkai i Pue Ala hangko i lalungki bona peisa mbulingkai mosondakikau hai bona kipahandai apa au makura mani i pepoinalaimi.

1 Tesalonika 3:10 교차 참조

2 Korintu 13:9

Matanangkai ane niitangkai malede, asala ikamu maroho pepoinalaimi. Mekakaengkai bona manoto lalumi i peitana Pue.

1 Tesalonika 3:11

I lalu pekakaengki kiuli, “Pue Ala Umangki! Ampuki Pue Yesu! Kiperapi bona Nubungkahiangkai rara bona kibuku mampohidupaahe halalungki i Tesalonika.

2 Korintu 1:24

Barapokau kupari-pari kana i apa au hangangaa nipoinalai, lawi marohomi pepoinalaimi i Kerisitu. Agaiana kiunderi mobago sambela hai ikamu bona matana lalumi.

2 Timotiu 1:3

Ioru, kuuli ngkaia kamaroana i Pue Ala au kupenombai hangko i kabulana lalungku, nodo penombaanda toiorungku hangkoia. Kuuli liliu ngkaia kamaroana i Pue Ala anti kaoiona Timotiu. Kukabelai liliuko i lalu pekakaengku, maroa mabaa ba kaindi.

2 Tesalonika 1:11

Idomi hai kipekakaea liliukau halalu. I pekakaengki kiuli node: “O Pue Ala Umangki! Kiperapi bona Nupopewali tunggaiaMu i lalu katuwonda to Tesalonika duuna Nuimbahe tauna au hintoto rauli taunaMu, lawi Nupileimohe. Kiperapi bona anti kuasaMu, Nupopewali ope-ope tunggaianda au maroa, hai Nupahandai hinangkana au rapobago anti pepoinalainda i Pue Yesu.”

Pilipi 1:25

Mewali, itimi au manoto i lalungku. Ido hai kuuli, batena tuwo manina, hai ina kupepakai mani lao mosondakikau hai motulungikau bona tetambai kamarohona pepoinalaimi i Pue Yesu hai tetambai wori kamatanami mepoinalai Iria.

2 Korintu 1:15

Itimi peharungangku i apa au kuuli inona, ido hai hangkoia mangkaliwona lao mosondakikau, bona molambi mbulikau pewati.

Suro 26:7

Dandina iti rapoinalai wori ope-ope halalunta to Yahudi au hampulo hai rontina au menomba liliuhe i Pue Ala. Datu au kubila, hangko i peharungangku iti, ido hai rasalaina to Yahudi.

Pilemo 1:22

Hai kuperapi wori bona nupasilolongaana haogu lincu i soumu, lawi kuharunga Pue Ala ina mohanai pekakaemi bona tekabahana hangko i tarunggu ide, alana peisakau kusondaki.

Kolose 4:12

Tabea wori hangko i Epafras, hawina Kerisitu Yesu au hambomboeami. Napekakaea liliukau bona maroho peangkami hai manoto pepoinalaimi moula ope-ope peundeana Pue Ala bona datikau masala.

Kolose 1:28

Mewali, mobambaringkai i ope-ope tauna kana i Kerisitu. Kiweihe lolita hai kipaturohe, hai kininihe ope-ope moula kapande au nakiraiangkai Pue, bona kiantihe ope-ope Iria hai bara ara kamakuranda, lawi mohintuwumohe hai Kerisitu.

Pampetudungia 4:8

Pinatuwo au iba iti mokapihe ini mbuana, hai humalele watanda momata. Barahe mengkangkaroo mohowara petoianda. Maroa mabaa ba kaindi, manguli liliuhe, “Malelaha! Malelaha! Malelaha! Pue Ala iami au mahile kuasaNa hangko i ope-opena, Ia au ara hangko i nguru-nguruna, au ara ide-ide, hai au ara hawe i hae-haena!”

2 Korintu 13:11

Kahopoana halalu, hangangaa matana-tanakau. Nipakaroho peulami i Pue! Nipeulai paturongku! Hangangaa hampepekirikau hai tuwo mohintuwukau. Pue Ala ina mamporangaikau, mampopaitaakau ahiNa, hai moweikau roa ngkatuwo.

Pampetudungia 7:15

Ido hai meangkahe i lindo kadera kadatuana Pue Ala, hai menombahe alo-alona hai wengi-wengina i lalu Souna Pue Ala. Hai Pue Ala au mohuda i kadera kadatuaNa ina mokampaihe.