1 Tesalonika 2:17 - Sura Malelaha

¹⁷ Halalu, hangko i pogaanta au sangka ide, mabila mpuungkai irikamu. Kehapirike mogaa-gaa, agaiana ara liliukau i lalungki. Anti kamabilangki, kihaoki mpuu rara bona laongkai mesonda irikamu.

1 Tesalonika 2:17 교차 참조

Kolose 2:5

Lawi nauri karaona hangko irikamu, agaiana aratokau i lalungku. Matana mpuuna mohadi kamarohona pohintuwumi hai pepoinalaimi i Kerisitu.

1 Korintu 5:3

Nauri karaona hangko irikamu, agaiana lalungku arato hihimbela hai ikamu, mewali ara kuasangku mampohawaakau. Hai kuasa au naweina Pue Yesu Kerisitu, kupakanotomi: tauna au kadake babehiana iti hangangaa rahuku. Ane mogulu-gulukau, niimbana ara hihimbela hai ikamu, hai kuperapi i lalu kuasana Yesu Amputa

1 Tesalonika 3:6

Mewali, ide-ide, Timotiu mesulemi inde, hai napahaweamongkai bambari au mopamatana lalungki. Nauli, “To Tesalonika iti, maroho mpuu pepoinalainda hai kamaahinda. Mabila worihe irikita, hai ikita ara liliu i lalunda. Nodo katapeinaona mampohidupaahe, ihira wori mampeinao mampohidupaake.”

Roma 1:13

Halalu bona niisa bosami belana ara tunggaiaku lao mosondakikau, agaiana ara liliu au mohombokina. Tunggaiaku mosondakikau bona pobagongku ara wori wuana i olomi, nodo pobagongku au arami wuana i olonda tauna au barahe to Yahudi au arahe i wanua ntanina.

Roma 15:23

Agaiana ide-ide, hopomi pobagongku i tampo ide, hai i parenami kupeinao lao mosondakikau, kuharunga i polumaongku lao i Spanyol, peisana mehupe irikamu, hai kahopoana ina matana-tanana hihimbela hai ikamu nauri sangka pea. Hai kuharunga wori ina nipopeangka maroana lao i Spanyol.

Lukasi 22:15

Tanganda mohuda, Nauliangaahe Yesu, “Kuunde mpuu maande sambela hai ikamu i Alo Posusa Pasa hangko damaniNa molambi kapari.

Suro 17:10

I wengi iti, halalu hampepepoinalainda au i Tesalonika mouliangaahe Paulu hai Silas, “Agina manteulimokau hampai lao i Berea.” Mewali, lao mpuumohe. Kahawenda i Berea, Paulu hai Silas lao i sou penombaanda to Yahudi.

Lukasi 12:58

Agina nibotusi sadudua apa au maroa i tempona mani ara katepakami. Ane rapana, ara hadua tauna au mampeinao mosalaiko i lindona tadulako boea, hangangaa modamekau. Lawi ane barakau modame, ina naanti mpuuko lao i topebotusi, hai topebotusi iti ina mohuhuko i pulisi, hai pulisi ina mampopesuako i lalu tarunggu.