1 Tesalonika 2:10 - Sura Malelaha

¹⁰ Niisa kamanotona babehiangki irikamu au mepoinalai i Pue Yesu. Babehiangki manoto, bara ara kamasalangki. Ikamu au mewali sabingki hihimbela hai Pue Ala.

1 Tesalonika 2:10 교차 참조

1 Peturu 5:3

Ineehe nipohawaa tauna au rapoinalaiakau nodokau hadua topoparenta mampohawaa taunana. Agaiana hangangaa mewalirikau pandiri irihira

1 Tesalonika 1:5

Kiisa iti, lawi i tempoki mopahawe Ngkora Marasa irikamu bara pea lolitangki haduduangki, agaiana Inao Malelaha au moweingkai kuasa mololita. Hai kipoinalai mpuu katouna Ngkora Marasa iti. Niisa noumba babehiangki i tempoki mani hihimbela hai ikamu. Babehiangki mopakanoto irikamu katouna bambari au kianti.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

2 Timotiu 3:10

Agaiana oio Timotiu, lawi mahaemoko kuporanga, nuisami paturongku hai babehiangku hai tunggaiana lalungku. Nuita mpuumi pepoinalaingku, kasabarangku, kamaahingku, hai kamantahaku i lalu kapari.

Suro 20:18

Hawemohe tauna i Miletus, nauliangaahe Paulu, “Halalu-halalu, niisa mpuu noumba poantiku hungkaku hihimbela hai ikamu. Mepongka i kahawengku i propinsi Asia duuna ide-ide,

1 Timotiu 4:12

Nauri mangura maniko, hintotoko rabila tauna. Hangangaa mewaliko pandiri i halalunta hampepepoinalai i lalu pololitamu, babehiamu, kamaahimu i hangka rangamu, pepoinalaimu i Pue, hai i lalu katuwomu au malelaha.

2 Tesalonika 3:7

Niisa mpuu babehiangki halalu, barangkai lohe mobago i tempoki hihimbela hai ikamu hangkoia. Babehia iti hangangaa nipopandiri.

1 Tesalonika 2:5

Bona niisa halalu-halalu, barangkai mopahawe lolita au momi. Bara ara tunggaiaki au kadake bona molambingkai ba apa hangko irikamu. Pue Ala sabingki!

2 Korintu 11:11

Moapa hai mololitana nodo? Ba barakau kupokaahi, halalu? Pue Ala moisa kamaahina lalungku irikamu.

2 Korintu 7:2

Kiharunga, halalu, nidoko wongkamia! Lawi barangkai masala i hema pea, barangkai mopakanawo tauna, barakau kiakalangi bona mohaoki apa pea irikamu.

Suro 24:16

Ido hai mobabehi liliuna apa au maroa bona kuisa i lalungku kadana ara apa-apa au peisa raraiana, maroa i peitana Pue Ala, maroa i peitana manusia.

Suro 20:26

Mewali kupakanotoa amimokau alo ide: ane arakau au molambi rugi, barapi salangku,

2 Korintu 11:31

Ope-ope au kuuli inona tou, barana modongko. Pue Ala, Umana Pue Yesu, iami sabingku! Tatoiami hawe i hae-haena!

2 Korintu 5:11

Mewali, langangkai mobabehi apa pea au bara naunde Pue, lawi kiisa Ia ina moparesa babehianda ope-ope tauna. Ido hai kipari-pari moanti tauna mepoinalai i Pue Yesu. Pue Ala moisa lalungki. Peundeaki halalu bona barapi ara au bata-bata lalumi irikami. Kipeinao bona ope-opekau moisa kabulana lalungki.

2 Korintu 4:2

Kikaraohi hinangka babehia au mepakaea; bara ara au kiwuwuniangi; barangkai mopakanawo tauna, barangkai mobaliki tunggaiana Ngkorana Pue Ala. Kipahawe pea apa au tou i kanoto-notoana bona ope-ope tauna mopangaku katouna bambari au kianti. Napetirongkai Pue Ala!

Lukasi 23:41

Ane ikita, hintotoke rahuku mate anti babehianta au kadake, agaiana Ia, bara mpuu ara salaNa.”