1 Tesalonika 2:1 - Sura Malelaha

¹ Halalu-halalu, niisato kadana mpuu mbero-mbero wowengki mosondakikau i boeami.

1 Tesalonika 2:1 교차 참조

2 Tesalonika 3:1

Mewali, halalu, kiperapi bona nipekakaea woringkai. Mekakaekau i Pue Ala bona kabosa-bosaa tauna au mohadi hai modoko Ngkorana Pue, nodo au mewali irikamu hangkoia.

1 Tesalonika 2:13

Ara mani hampaka au morua lalungki manguli ngkaia kamaroana i Pue Ala, iami Ngkorana Pue au nihadi hangko irikami, bara nidoko nodo lolita au hangko i manusia pea. Agaiana nidoko hai nipoinalai bambari iti, ami hangko i Pue Ala. Hai ide-ide, Ngkorana Pue Ala iti mokale liliu i lalumi, lawi mepoinalaimokau i Pue Yesu.

Pilipi 2:16

i lalu pobambarimi Ngkora Marasa au mopaara katuwo maroa. Mewali halalu, ane nodo liliu babehiami, ina matana lalungku i kahawena hule Kerisitu, lawi babehiami iti ina mopakanoto kadana mbero-mbero pobagongku i olomi; ara mpuu wuana.

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

1 Korintu 15:2

Tehoremakau hangko i huku dosami, asala mepoinalai liliukau i Ngkora Marasa au kupahaweakau. Ane bara, mbero-mbero pea pepoinalaimi iti.

1 Tesalonika 3:5

Ido hai kutudu Timotiu lao irikamu bona kuisa noumba pepoinalaimi, lawi barapi kubuku motaha kamabilangku. Hai kupokalanga, nakelokau pae Datu Tokadake duuna napakanawokau hai barapi mobundu pobagongki mobambari Ngkora Marasa irikamu.

Galatia 4:11

Au kupokalanga, bara ina mobundu kamawowengku mopahawe Ngkora Marasa irikamu.

Galatia 2:2

Laona i Yerusale lawi Napatongawami Pue Ala iriko hangangaa laona. Kahawengku i Yerusale, kupombelambiamohe penatua hai mogombongkai. Kupahaweamohe kana i pobambaringku Ngkora Marasa i tauna au barahe to Yahudi. Kupahaweahe lawi kupokalanga: paturongku ina rasalai duuna barapi ara bunduna pobagongku mopaturo tauna kana i Ngkora Marasa, maroa au roomi kupobago, maroa au tangana mani kupobago.

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

1 Korintu 15:10

Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

2 Tesalonika 1:10

Ope-ope iti ina mewali i kahawena hule Pue Yesu. I tempo iti, ope-ope taunaNa ina mampomahile hangaNa, hai ope-ope tauna au mepoinalai Iria ina manguli, “Tongawa mpuu peawaNa!” Hai ikamu wori halalu, batemi mampomahile worikau Pue Yesu i alo iti, lawi nipoinalaimi bambari au kipahaweakau.