1 Peturu 3:5 - Sura Malelaha

⁵ Lawi nodo wori poantinda towawine hangkoia au malelaha hai au meharungahe i Pue Ala. Towawine iti mewalihe makara lawi mengkoruhe i tobalilonda.

1 Peturu 3:5 교차 참조

1 Timotiu 5:5

Tobemba au tou-tou mpuu meahi-ahi tuwona, iami tobemba au tuwo sadudua pearai, bara ara au mokadipura. Batena pearai meharunga hai mekakae liliu i Pue Ala.

1 Timotiu 5:10

Hangangaa au manoto babehianda, pandirina: hangkoia mokadipura maroamohe ananda, matanahe modoko torare i sounda, motulungihe halalunda hampepepoinalai, mokadipurahe tauna au i lalu kapari, hai mobabehihe hinangkana bago au maroa.

1 Timotiu 2:15

ido hai towawine rahukumohe molambi pantodiha i temponda moana. Nauri nodo, batena molambi worihe katuwo maroa asala mepoinalai liliuhe i Pue, mampokaahi liliuhe hangka ranganda, hai malelaha tuwonda moula ada au maroa.

Suro 9:36

Bara karao hangko i wanua Lida, ara hambua wanua au rahanga Yope. Inditi, ara hadua towawine au mepoinalai i Yesu, rahanga Tabita. (I lalu basa Yunani hangana Dorkas, lempona lagiwa.) Tauna iti maroa babehiana, lawi ia motulungi liliuhe tauna au meahi-ahi.

Ibarani 11:11

Anti pepoinalaina Burahima, Burahima hai Sara peisahe moana, nauri Burahima saemi hai Sara lalo. Iti mewali lawi manoto i laluna Burahima, Pue Ala ina mopabukei dandiNa iria.

1 Timotiu 2:10

Aginami towawine ratoia anti babehianda au maroa, hintoto hai poanti towawine au mengkoru i Pue Ala.

Suro 1:14

Hampepekiri liliuhe, moteruhuhe mekakae sambela. Inditi ara wori hihimbela hai ihira, bahangkiahe towawine, tepesua Maria inana Yesu. Inditi ara worihe halaluna Yesu.

Epesu 5:33

Agaiana nauri nodo, batena ara wori lempona irikamu: ope-ope tobalilo hangangaa mampokakaia towawinena nodo pampokakaiana watana haduduana, hai towawine hangangaa mobila wori tobalilona.

1 Peturu 1:3

Tatoiami Pue Ala, Umana Amputa Yesu Kerisitu! Anti kamahilena ahiNa, Naweimoke katuwo au wou, hai katuwo au wou iti tahumba hangko i katuwona hule Yesu Kerisitu. Ido hai maroho peharunganta.