1 Peturu 2:5 - Sura Malelaha

⁵ bona Napopewalikau nodo watu au tuwo au rapake moaro sou penombaa i Pue Ala. Napopewali worimokau nodo tadulako mpenomba au malelaha. Nodo tadulako mpenomba mohuhu popenombanda i Pue Ala, ikamu wori hangangaa mohuhu katuwomi i Pue Ala. Itimi au mewali popenombami Iria, hai popenombami iti mopamatana laluna Pue Ala anti kanahoremantami Yesu Kerisitu.

1 Peturu 2:5 교차 참조

1 Peturu 2:9

Agaiana ikamu, halalu, napileimokau Pue Ala au mampopewalikau nodo tadulako mpenomba au mampopolumao bago mpenomba i Datunta. Napatanikau mewali kiraNa hai taunaNa au malelaha. Pue Ala mopileikau hai mokakiokau hangko i kamakaindi mesua i lalu kamabaaNa au merae ntepuu bona mopahawekau bagoNa au maroa i ope-ope tauna.

1 Korintu 3:9

Ikami hampopobago peangkai i lalu bagona Pue Ala, hai ikamu, halalu, peisakau rapandiri nodo bondena Pue Ala. Ikamu peisa worikau rapandiri nodo souna Pue Ala.

Pampetudungia 5:10

Nupopewalihe datu hai tadulako mpenomba au mampopolumao bago mpenomba i Amputa Pue Ala. Ina moparentahe nodo datu i wongko dunia.”

1 Korintu 3:16

Bara pae niisa halalu: ikamumi sou paidaana Pue Ala, hai Inaona Pue Ala maida i lalumi.

Ibarani 3:6

Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

Pampetudungia 20:6

Morasihe hai malelahahe tauna au rapatuwo hule i pearonda tomate au nguru-nguruna. Bara mpuuhe ina rahuku i lalu naraka. Pehuku i lalu naraka iami au rahanga kapate karombelana. Tauna au rapatuwo hule i pearonda tomate au nguru-nguruna ina mewalihe tadulako mpenomba i Pue Ala hai i Kerisitu. Ina moparentahe hihimbela hai Kerisitu i lalu hasabu parena.

1 Korintu 6:19

Bara pae niisa halalu, watami iami paidaa Inao Malelaha. Inao Malelaha au maida i lalumi, nihumba hangko i Pue Ala. Mewali watami barapi ikamu ampuna.

Roma 12:1

Mewali halalu, anti kamahilena ahina Pue Ala irikita, kuhuweki lalumi bona mohuhukau watami i Pue Ala mewali popenomba au tuwo. Ane nibabehi nodo, lempona malelaha babehiami i lindona Pue Ala, lawi itimi ada mpenomba au mopamatana laluNa.

Pampetudungia 1:6

hai Napopewalimoke taunaNa i lalu poparentaNa. Napopewalimoke tadulako mpenomba au mampopolumao bago penomba i Pue Ala, UmaNa. Yesu Kerisitumi au meawa tuwoNa hai au makuasa hawe i hae-haena. Amin!

Pilipi 4:18

Mewali bona niisa: ope-ope au nipakatu, kulambimi hangko i Epafroditus. Pakatumi iti bara pea handa, agaiana melabitori hangko i apa au kuparaluu. Kabula lalumi iti nodo anu-anu mawongi au nipopenomba i Pue Ala. Popenombami iti Napokana mpuu, hai matana laluNa modoko.

2 Korintu 6:16

Peisa pae Souna Pue Ala rapopogulu hai sou penombaa i anitu? Ikita ide rapandiri nodo souna Pue Ala, lawi Pue Ala au tuwo maida i lalunta. Nodo au teuki i Ngkorana Pue: “Ina maidaNa i olonda hai ina Kuporangaihe. Ina mewaliNa Pue Ala au rapenombai, hai ihira ina mewalihe taunaNgku.”

Pampetudungia 3:12

Hema au menangi, ina kupopewalihe arii i Souna Pue Ala i suruga. I watanda ina Kuuki hangana Pue Ala UmaNgku hai hangana wanuana Pue Ala. Wanua iti iami Yerusale au wou au mendaulu mai hangko i suruga hangko i Pue Ala UmaNgku. Nodo wori ina Kuuki i watanda hangaNgku au wou.

Roma 15:16

Naangkana mewali topobagona Kerisitu Yesu, hai Naposurona i tauna au barahe to Yahudi. Bagongku ide peisa rapandiri nodo pobagona tadulako mpenomba, lawi mopahawena Ngkora Marasa. Hai ihira au barahe to Yahudi au mepoinalai i Pue Yesu, kuimbahe nodo popenombaku i Pue Ala. Hai popenombaku iti, batena nadoko Pue Ala, lawi Inao Malelaha mopamalelahahe hai mampopewalihe kirana Pue Ala.

1 Timotiu 3:15

bona ane rapana mahae manina pane hawe irio, nuisa babehia au hintoto i ope-ope taunana Pue Ala. Lawi ikita ide, menombake i Pue Ala au tuwo i hae-haena. Ikita au mokingki paturo au tou au hangko i Pue Ala. Maroho mpuu pepoinalainta i paturo iti, hai takampai paturo iti bona dati ara au mobaliki.

Kolose 3:17

Apa pea au nibabehi ba au nipololita, hangangaa nibabehi hai nipololita hintoto hai poanti tauna au meula i Pue Yesu. Hai niuli ngkaia kamaroana i Pue Ala Umanta i lalu hangana Pue Yesu.

Pilipi 2:17

Halalu, i kakubambariami Ngkora Marasa hangkoia, mewalimokau mepoinalai i Pue Yesu, hai mopaisarekau katuwomi Iria bona moulakau peundeaNa. Mewali, kehapirina rahuku mate anti pobagongku mopahaweakau Ngkora Marasa, bara kupousulia. Batena kuuli liliu ngkaia kamaroana i Pue Ala, hai matanana hihimbela hai ikamu.

1 Peturu 4:11

Hema au motuntu, hangangaa mopahawe apa au nadokomi hangko i Pue Ala. Hema au motulungi rangana, hangangaa metulungi hangko i karoho au nalambi hangko i Pue Ala. Hangangaa nibabehi nodo bona i hinangkana au mewali, Pue Ala rapomahile i lalu hangana Yesu Kerisitu, lawi Pue Ala au makuasa hai hintoto rapomahile hawe i hae-haena! Amin.

Pilipi 1:11

Mekakaena bona nibabehi liliu apa au manoto anti pobagona Yesu Kerisitu i lalu katuwomi, alana bosa tauna motoia hai mampomahile Pue Ala.

Galatia 6:10

Ido hai, liana mani ara loga au raweike, hangangaa mobabehike apa au maroa i ope-ope tauna, pelumbunami i halalunta hampepepoinalai.

1 Peturu 4:17

Hawemi tempona Pue Ala ina mobotusi kara-karanda ope-ope tauna. Hai ikita au Napoana, batena ioru Nabotusi kara-karanta. Mewali ane kara-karanta au ioru Nabotusi, manoto ina melumbu pehukuNa i tauna au barahe mepoinalai i Ngkora Marasa au hangko Iria.