1 Peturu 2:10 - Sura Malelaha

¹⁰ Hangkoia, barakau taunaNa, agaiana ide-ide mewalimokau taunaNa. Hangkoia, barakau Napokaahi, agaiana ide-ide molambimokau pepokaahiNa.

1 Peturu 2:10 교차 참조

Ibarani 4:16

Ido hai halalu, ineemoke langa. Peisamoke mohungkuki Pue Ala i kadera kadatuaNa au i suruga bona modokoke kamaahiNa, hai Natulungike hangko i kabulana laluNa i tempona au taparaluu.

1 Timotiu 1:13

Hangkoia mopapakoina Yesu hai mampopeahi-ahihe tauna au mepoinalai Iria. Agaiana nauri nodo, Napokaahi mpuuna, lawi i tempo iti bara manina mepoinalai Iria hai bara mani kuisa lempona apa au kubabehi.

Roma 10:19

Inee wori tapehangu to Isaraeli barahe moisa tunggaiana Pue Ala. Raisami! Lawi arami lolitana Pue Ala au napahawe nabi Musa hangkoia node: “Ikamu to Isaraeli, ina Kupamahinakau moita ahiNgku i tauna au barahe to Isaraeli. Ina kupahumpuinaomi moita pekadipuraNgku i tauna au baraNa raisa hangkoia.”

1 Korintu 7:25

Ide-ide kupaturoahe tauna au bara mani motambi. Paturongku ide bara parenta hangko i Pue Yesu. Agaiana kupaturokau moula pekiringku, hai peisana rapoinalai, lawi naangkana Pue mewali suroNa anti ahiNa.

Roma 11:30

Hangkoia barakau mengkoru i Pue Ala. Agaiana ide-ide nihumbami ahina Pue Ala anti pesapuakanda to Yahudi.