1 Peturu 1:8 - Sura Malelaha

⁸ Nauri bara manikau moita Yesu Kerisitu, agaiana, nipokakaiami. Hai ide-ide, bara mani wori niita, agaiana nipoinalaimi. Ido hai matana lalumi, hai kamatanami iti mahile, melumbu hangko i apa au peisa rapololita.

1 Peturu 1:8 교차 참조

Matiu 10:37

Hema au melumbu pampokakaiana inana ba umana pane pepokaahina Iriko, bara hintoto mewali topeulaNgku. Hema au melumbu pampokakaiana anana pane pepokaahina Iriko, bara hintoto mewali topeulaNgku.

Yohane 14:15

“Ane nipokaahiNa, manoto nipeulai hawaNgku.

Yohane 14:21

Tauna au modoko hai moula hawaNgku, ia au mampokaahiNa. UmaNgku mampokaahi tauna au mampokaahiNa, hai Iko wori mampokaahi tauna iti, hai Kupatongawaa wataNgku.”

Yohane 14:24

Tauna au bara maahi Iriko, barahe moula lolitaNgku. Lolita au nihadi hangko Iriko, katouana bara hangko Iriko, agaiana hangko i UmaNgku au motuduNa.

Yohane 16:22

Nodo wori ikamu: ide-ide masusa lalumi lawi ina paduNa. Agaiana ina Kupohidupaa hulekau. I tempo iti, ina matana hulekau, hai bara ara au peisa moala kamatana iti hangko irikamu.

Yohane 20:29

Nauli Yesu i Tomas, “Mepoinalaiko lawi nuitamoNa. Morasihe tauna au mepoinalai Iriko, kehapiri baraNa raita.”

Yohane 8:42

Nauli Yesu, “Ane tou-tou mpuu Pue Ala Umami, kenipokaahiNa, lawi Iko hangko i Pue AlaNa mai, hai Ikomi SuroNa. MaiNa bara moula peundeaKu haduduaNgku. Agaiana moulaNa peundeana Pue Ala, lawi Ia au motuduNa.

Suro 16:34

Roo indo, kapala tarunggu iti moantihe Paulu hai Silas lao i souna hai napaandehe. Matana mpuuhe tohantambi iti, lawi mepoinalaimohe i Pue Ala.

Roma 14:17

Lawi i lalu poparentana Pue Ala, bara ada mpaande ba paenu au mewali patoana i peitana Pue Ala. Patoana iami lalunta au manoto, pohintuwuta hai ranganta, hai katana lalu au naweike Inao Malelaha.

Roma 15:13

Taperapi Pue Ala, peharunganta, moweikau katana hai roa ngkatuwo i lalu pepoinalaimi i Pue Yesu, bona kamaroho-rohoa peharungami Iria anti kuasana Inao Malelaha.

1 Korintu 16:22

Tauna au bara mampokaahi Pue Yesu, hararamohe i Pue Ala. Maranata! MaimoKo, Pue!

2 Korintu 1:22

hai Naweike Inao Malelaha au mopakanoto kamewalintami taunaNa. Inao Malelaha iti mewali tanda i lalunta kaina Napabukeina haha dandiNa irikita.

2 Korintu 12:4

unga pea raangka i paidaana Pue Ala au rahanga Paradesi. Indora tauna iti mohadi apa pea au bara rabuku rapololita manusia hai bara mpuu rakira rapololita tauna.

2 Korintu 4:18

Mewali, barangkai mampekiri apa au taita agaiana mampekiringkai apa au bara mani taita. Lawi au taita, hampalai pea, agaiana au bara mani taita, itiri au mantaha liliu hawe i hae-haena.

2 Korintu 5:7

Meulake i Pue anti pepoinalainta, kehapiri bara mani taita.

2 Korintu 9:15

Tauli ngkaia kamaroana i Pue Ala, lawi mahile mpuu kabulana laluNa irikita, melumbu hangko i apa au peisa tapololita!

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

Epesu 6:24

Pue mowati ope-ope tauna au mampokakaia Amputa Yesu Kerisitu hai ahi au bara ara kahopoana. Hangko iriko PAULU

Pilipi 1:25

Mewali, itimi au manoto i lalungku. Ido hai kuuli, batena tuwo manina, hai ina kupepakai mani lao mosondakikau hai motulungikau bona tetambai kamarohona pepoinalaimi i Pue Yesu hai tetambai wori kamatanami mepoinalai Iria.

Pilipi 3:3

Katouana ikitami au manoto i peitana Pue Ala lawi menombake Iria moula peninina Inaona haduduaNa, hai matana mpuu lalunta anti pohintuwuta hai Kerisitu Yesu. Barake moharunga ada au raita pea i raoa bona mewalike manoto i peitana Pue Ala.

Pilipi 4:4

Halalu, hangangaa matana-tana liliukau i lalu pohintuwumi hai Pue. Hambela mani kuuli: hangangaa matana-tanakau.

Ibarani 11:1

Au rauli pepoinalai, lempona apa au taharunga i Pue Ala, taisa batena ina mewali. Kehapiri bara mani taita apa au tapegia, manoto i lalunta ina mewali.

Ibarani 11:27

Anti pepoinalaina, Musa mopalehi tampo Masiri; ia bara langa i karumpuna datunda to Masiri. Musa mantaha i lalu kapari, nodo au moitami Pue Ala, au bara raita.

1 Peturu 1:6

Ido hai hangangaa matana liliukau. Ide-ide masusa lalumi lawi ara ngkaia pakana kapari au morumpakau. Agaiana nauri nodo, hangangaa nipamatana lalumi, lawi kaparimi iti hampalai pea.

1 Peturu 2:7

Irikamu, tauna au mepoinalai, watu iti mobundu ntepuu. Agaiana i tauna au barahe mepoinalai, tepabukeimi au teuki i lalu Sura Malelaha node: “Watu au ratende topoaro sou, watu iti au mewali pohudaa sou.” Hai: “Watu iti au mewali katehubeanda, au moantihe manawo.”

1 Peturu 5:4

bona ane hawe Toporewunta au meawa tuwoNa, ina Naweikau hambua songko datu au mengkila-ngkila liliu hawe i hae-haena.