Halalu, manoto nikatuinao mpuu noumba karumihina pobagongki hangkoia. Mabaa ba kaindi mohaoki liliungkai paandeki datikau kipakapari tangangki mopaturoakau Ngkora Marasa au hangko i Pue Ala.
Nodo wori au nababehi Yusupu. I pampobaluna tampona, holona nahuhuahe surona Pue Yesu. Yusupu iti iami hadua pemuleana Lewi au maida i lewuto Siprus. Suronahe Pue Yesu mohanga wori Yusupu iti, Baranaba, lempona topepalindo.
Roo indo, Baranaba rahangami Seus, hangana datu anitunda. Hai Paulu rahanga Hermes, hangana anitunda au mewali topololita, lawi Paulu au biasa mololita.
Agaiana to Yahudi mohuwekihe lalunda totosae au raadai i wanua iti hai towawine au pebuku i wanua iti au mepoinalaihe i Pue Ala, pane mampopeahi-ahihe Baranaba hai Paulu duuna rapopesuwu hangko i wanua Antiokia.
Agaiana ane ara au mampeinao mosapuaka au kuuli ide, idemi lolitangku moula ada au kipeulai, towawine hangangaa metolombu i paminggua, hai ada iti rapeulai wori halalunta hampepepoinalai i boea-boeana. Au ntanina hangko ide, bara ara.
Hangkoia tempoku mobago i boeami, to Sarani au arahe i boea ntanina mampopakatuana doi. Peisa tauli: ihira au marugi, lawi doi au raweina kupake i lalu pobagongku mobambari Ngkora Marasa irikamu.
