1 Korintu 9:5 - Sura Malelaha

⁵ Barangkai pae peisa motambi, hai barangkai pae peisa moanti towawinengki au hampepepoinalai i polumaoangki, nodo au rababehi surona Pue Yesu au ntanina hai halaluna Pue Yesu hai Peturu?

1 Korintu 9:5 교차 참조

Yohane 1:42

Roo indo, naantimi lao i Yesu. Yesu mototoki Simo, Nauliangaa, “Oio Simo, anana Yohane. Mepongka ide-ide, ina rahangako Kefas.” (I lalu basanda to Yunani, “Peturu” lempona: ‘watu mahile’.)

Matiu 8:14

Hambela tempo, Yesu lao i souna Peturu. Inditi, Ia moita pengantina Peturu au towawine maturu i paturuana lawi napawembe.

Ibarani 13:4

Ope-ope tauna hangangaa mampeulai ada posamboko. Ada iti inee nilingkai. Lawi tauna au mebualosi hai au mobabehi babehia merikai, batenda ina nahuku Pue Ala.

Galatia 1:19

Tempo iti, kupohidupaa wori Yakobu halalu ntepuuna Pue Yesu. Agaiana surona Pue Yesu au ntanina, barahe kuita.

1 Korintu 7:39

Moula atura potambi, hadua towawine tetaka liliu i tobalilona ane tuwo mani. Ane matemi tobalilona, tekabahami hangko i atura au motaka i tobalilona. Towawine iti peisa mbuli motambi, asala mampotambia tobalilo to Sarani.

1 Korintu 7:7

Katouana, kuunde ane ope-ope tauna nodo iko, bara motambi. Agaiana bara ope-ope tauna au rabuku ane barahe motambi. Hadua-hadua tauna molambi pewati au montani-ntani hangko i Pue Ala.

Suro 1:14

Hampepekiri liliuhe, moteruhuhe mekakae sambela. Inditi ara wori hihimbela hai ihira, bahangkiahe towawine, tepesua Maria inana Yesu. Inditi ara worihe halaluna Yesu.

Titu 1:6

Hai tauna au raangka mewali penatua, hangangaa tauna au bara ara au peisa rasalaia, au hadua pea towawinena; anana hangangaa mepoinalai wori i Kerisitu hai barahe makasara hai barahe mearoha.

1 Timotiu 5:2

towawine au matinuwu nuimbahe inamu, hai towawine au mangura nuimbahe adimu; nupamaroa mpuu ope-ope babehiamu irihira.

1 Timotiu 3:2

Ido hai hadua penatua hangangaa au bara ara kamasalana. Hangangaa hadua pea towawinena, hai hangangaa nabuku morempeki peundeana laluna au kadake. Hangangaa manoto laluna hai maroa adana. Hangangaa matana modoko torarena. Hangangaa naisa mepaturo.

1 Korintu 7:15

Agaiana ane tauna au bara mani mepoinalai i Pue iti mampeinao mampogaaki towawinena ba tobalilona, pogiangaamide megaaki. Ane nodo, tobalilo ba towawine au mepoinalaimi i Pue barapi tetaka hai sambokona. Agaiana Pue Ala mokakioke mewali anaNa bona mohintuwuke.

1 Korintu 1:12

Mololitana nodo lawi arakau au mampeinao mampopontani hadua hai hadua. Arakau au manguli, “Iko meula i Paulu.” Arakau au manguli, “Iko meula i Apolo.” Au ntanina wori manguli, “Iko meula i Peturu.” Ara mbuli au manguli: “Iko meula i Kerisitu.”

Roma 16:1

Hai ide-ide, ina kupopaisaakau kahemana ide Febe au moanti surangku. Ia halalunta hampepepoinalai au motulungi to Sarani i boea Kengkrea.

Yohane 2:12

Roo posusa iti, laomi Yesu i boea Kapernaum hihimbela hai inaNa, halaluNa hai topeguruNahe. Maidahe inditi bahangkia wengina.

Markus 6:3

Ia ide basi pea, anana Maria. HalaluNa iamohe: Yakobu, Yoses, Yuda hai Simo. HalaluNa towawine, ara worihe hihimbela hai ikita inde.” Ido hai barahe mepoinalai i Yesu.

Markus 1:30

Inditi, pengantina Simo au towawine maturu lawi napawembe. Kamahaina iti rapopaisaa Yesu.

Matiu 13:55

Bara pae Ia ana basi pea? Bara pae Maria inaNa? Bara pae HalaluNahe, Yakobu, Yusupu, Simo hai Yudasi?

1 Timotiu 4:3

Mopaturohe tauna bona ineehe motambi hai mopaliahe bahangkia pakana paande. Katouana ope-ope paande iti napopewali Pue Ala bona raande. Ikita tauna au mepoinalai i Kerisitu hai au moisake paturo au tou peisake moande paande iti, asala tapekakaea hai tauli ngkaia kamaroana i Pue Ala.

1 Korintu 7:8

I tauna au bara mani motambi ba i tobemba, idemi lolitangku: maroa ane ineemokau motambi nodo iko.

Lukasi 8:20

Ara hadua tauna au mololita i Yesu, nauli, “Guru, inaMu hai halaluMu, arahe i raoa mampeinao mampohidupaaKo.”