1 Korintu 9:11 - Sura Malelaha

¹¹ Ikami ide motudamongkai Ngkorana Pue i lalu katuwomi. Katouana, hintoto mpuu ane molambingkai paandeki hangko irikamu.

1 Korintu 9:11 교차 참조

Roma 15:27

Iti rababehi mentumbu hangko i kamatanana lalunda. Hai hintoto mpuu ane tauna au barahe to Yahudi mokira-kiraahe to Yahudi anu-anu dunia, lawi hangko i to Yahudi iti, tauna au bara to Yahudi molambihe bakuna tanoananda.

Galatia 6:6

Tauna au modoko paturo kana Ngkorana Pue Ala, hangangaa mampokiraia tauna au mepaturo, hangko i apa pea rasi ba pewati au nahumba.

2 Korintu 11:15

Ido hai bara tapotingkara ane topobagona Datu Tokadake motabungihi babehianda au kadake bona raitahe nodo topobagona Pue Ala. Agaiana kahopoana, ina molambihe hurungina au hintoto hai dakenda.

Matiu 10:10

Ineekau mebaku, ineekau moanti badumi morontau ba kandupa ba lai. Lawi hintotokau molambi kaparaluuami hangko i tauna au nibambaria Ngkorana Pue.

1 Korintu 9:14

Nodo wori paturo au tahumba hangko i Pue Yesu. Ia mohawa bona tauna au mobambari Ngkora Marasa molambi paandenda hangko i tauna au rapahawea bambari iti.

Pilipi 4:17

Kuuli nodo, bara anti kamampeinaongku mbuli molambi kabula lalumi. Agaiana peundeaku bona hangko i kamaroana lalumi, katetetambaia pewatina Pue Ala irikamu.