1 Korintu 8:9 - Sura Malelaha

⁹ Agaiana hangangaa maroa-roakau halalu. Peisa mpuuke moande paande iti hangko i kabulana lalunta, agaiana inee tapakanawo ranganta au bara mani woia maroho pepoinalaina.

1 Korintu 8:9 교차 참조

Galatia 5:13

Halalu, Nakakiomoke Pue Ala bona tekabahake hangko i Aturana Musa. Agaiana inee tapehangu katekabahanta hangko i atura iti peisamoke tuwo moula peundeana lalunta. Aginari mombepokaahike hai mombetulungike hadua hai hadua.

1 Peturu 2:16

Katouana, ikita to Sarani, barapoke napohawi dosa. Lempona, barapoke mampeulai peundeana lalunta au kadake, lawi Nakabahamoke Pue Ala hangko i kuasa dosa. Agaiana, katekabahanta iti inee niporara mobabehi dake. Agina moulamokau peundeana Pue Ala, lawi hawiNa mpuumokau.

2 Peturu 2:19

Rauli guru iti, “Ane nipeulai paturongki, ina tekabahakau hangko i atura-atura, hai peisa mobabehi apa pea peundeami.” Mole ihirari au tuwo nodo hawi, lawi nakuasaihe peundeana lalunda au kadake, hai hema au nakuasai peundeana laluna au kadake, lempona napohawi peundeana laluna iti.

1 Korintu 10:24

Inee tababehi au motulungi pea watanta haduduanta. Hangangaa tababehi wori au motulungi ranganta.

1 Korintu 10:32

Ineeke mobabehi apa pea au mopakanawo ranganta, maroa to Yahudi ba tauna au barahe to Yahudi ba halalunta hampepepoinalai au mengkoru i Pue Ala.

1 Korintu 9:22

Ane arana hihimbela hai tauna au bara mani maroho pepoinalainda, kubabehi mpuu nodo ihira bona kutulungihe meula i Kerisitu. Mewali, i ope-ope tauna au kupombelambia, kuhaoki rara bona mewalina nodo ihira bona ane peisa, arahe au kuanti mepoinalai i Kerisitu.

1 Korintu 8:12

Mewali, ane tababehi nodo, masala mpuumoke, lawi tapakanawomi pepoinalainda halalunta au bata-bata mani lalunda. Hai meliu hangko inditi, madosake i Kerisitu.

1 Korintu 8:10

Tunggaiaku node: ane rapana tauli, “Mapandeke. Taisami paturo au tou; bara moapa ane maandeke paande au rapopenomba i anitu.” Agaiana ane rapana lao mpuuke i sou penombaanda topoanitu hai raitake ranganta tanganta maande manoto raande wori, nauri bata-bata mani lalunda ba peisa mpuu raande ba bara.

Pampetudungia 2:14

Agaiana ara bahangkia pakana au Kusalaiakau, lawi arakau hanggaa au mampeulai paturona Bileam. Hangkoia Bileam iti mopaguru Balak noumba rara mopakanawo to Isaraeli bona madosahe. Nawawahahe moande paande au rapopenomba i anitu, hai nawawahahe mobabehi au merikai.

2 Korintu 11:21

Ba niuliri ina maeana lawi barangkai bai moula babehianda iti? Agaiana ane baihe motoia watanda haduduanda, hangangaa kupengkabaiki wori, mololita mbulina nodo tontuli motoia watangku.

1 Korintu 10:29

Tunggaiaku node: hangangaa takatuinao laluna ranganta. Ane lalunta haduduanta, bara moapa ane taande paande iti. Agaiana hangangaa ara tauna au ina mampekune, “Moapari hai peundeaku peisa rahomboki tauna ntanina?

Roma 15:1

Ikita au marohomi pepoinalainta i Pue Ala, hangangaa sabarake i kabata-batana lalunda ranganta au bara mani maroho pepoinalainda. Inee peake mohaoki kamatananta haduduanta.

Matiu 18:10

“Mewali, mainga-inga mpuukau. Inee nipakoi tauna au koi tuwona nodo anangkoi ide, nauri hadua pea. Lawi tou-tou Kuuliangaakau: malaeka au mokampaihe maida liliu i lindona UmaNgku au ara i suruga.

1 Korintu 10:28

Agaiana ane arahe au mouliangaake, “Bau iti rapopenombami i anitu,” aginami inee taande datike mopakasusa laluna ranganta au bara maroho pepoinalaina.

2 Korintu 6:3

Mobagomongkai maroa-roa dati ara tauna au kipakanawo, bona bara ara tauna au mopapakoi bagongki mobambari Ngkorana Pue Ala.

2 Korintu 11:29

Ane arahe halalungku hampepepoinalai au masusa lalunda anti kamaledena pepoinalainda, masusa wori lalungku. Ane arahe au manawo i lalu dosa, rumpuna i tauna au mopakanawohe.

Kolose 2:8

Maroa-roakau bona dati ara tauna au mopawulikau hai mopari-parikau meula i paturo agama au sala hai au bara mobundu. Lawi paturonda iti iami paturo au mesupa pea hangko i pekiri manusia hai rapaturokau moula ada hai atura au mokanai pea dunia ide. Paturonda iti mosisala hai paturo au tou au mampopatoa Kerisitu,