1 Korintu 7:31 - Sura Malelaha

³¹ Ikamu au mowulai anu-anu dunia, inee peakau mampekiri katuwomi i dunia ide. Lawi dunia au tapaidai ide ina tuna.

1 Korintu 7:31 교차 참조

1 Yohane 2:17

Dunia ide, hihimbela hai hinangka ihina, au naunde manusia ina magero. Agaiana tauna au moula peundeana Pue Ala batenda tuwo i hae-haena.

1 Peturu 4:7

Halalu, kahopoa dunia ide hungkumi hai ope-ope ihina ina matanta. Ido hai hangangaa mainga-ingakau hai nipamanoto pekirimi bona peisakau mekakae.

Yakobu 4:14

moleri bara niisa apa au ina mewali kahalo i katuwomi! Katuwomi nodo pea rambu; sangka pea raita, hai roo indo, matanta!

Lukasi 21:34

“Mainga-ingakau, datikau mosusa-susa hai malangu-langu liliu. Mainga-ingakau datikau mampepekiri liliu katuwomi i dunia ide, alana mampomaleakau. Lawi alo kahaweNgku hule unga pea ina morumpa ope-ope tauna i dunia. KahaweNgku hule iti peisa rapandiri nodo tilobu au mopakanawo tauna au mampomalea.

1 Peturu 1:24

Ara teuki i lalu Sura Malelaha au manguli, “Katuwo manusia nodo hehi, peawa manusia nodo bunga hehi. Hehi batena malau, hai bungana ina maoru,

1 Korintu 9:18

Mewali, ane moantina Ngkora Marasa barana merapi sarongku. Sarongku iami: katana lalungku au kuhumba hangko i pobagongku mobambari Ngkora Marasa au kupahawe mbero-mbero i ope-ope tauna.

1 Korintu 7:29

Halalu, tunggaiaku node: ikita to Sarani, hangangaa takatuinao kadanapi ngkaia tempota i dunia ide. Ido hai kuuli, mepongka ide-ide, ikamu au motambimokau, inee nipaioru potambimi. Batena bagona Pue au hangangaa tapaioru.

1 Korintu 7:30

Ikamu au moteria, inee gaga masusa lalumi. Ikamu au matana, inee melumbu kamatanami. Ikamu au meholo ba apa-apa, inee mentaka lalumi i anu-anu iti.

Ibarani 12:27

NgkoraNa au manguli “hambela mani”, lempona Pue Ala ina mampopoenggo hai mogero dunia au Napopewali ide, lawi dunia ide bara mantaha hawe i hae-haena. Mewali, i alo au ina mai, Pue Ala ina mogero hinangkana bona apa au bara peisa moenggo, iti pearai au tetida.