1 Korintu 7:28 - Sura Malelaha

²⁸ Agaiana ane ara hadua anantomoane au mampeinao motambi, barato wori madosa. Hai ane ara hadua anantowawine au mampeinao motambi, barato wori madosa. Agaiana nikatuinao: tauna au motambi ina molambi kapari i lalu dunia ide. Hai peundeaku bona datikau narumpa kapari iti.

1 Korintu 7:28 교차 참조

Ibarani 13:4

Ope-ope tauna hangangaa mampeulai ada posamboko. Ada iti inee nilingkai. Lawi tauna au mebualosi hai au mobabehi babehia merikai, batenda ina nahuku Pue Ala.

1 Korintu 7:26

Mewali, idemi pelambiaku: i tempo ide ikita to Sarani narumpake ngkaia pakana kapari. Ido hai kuuli agina inee tabaliki katuwonta au Napakanotoake i dunia ide.

2 Korintu 1:23

Halalu, barana modongko, Pue Ala sabingku. Ia au moisa lalungku. Barana lao i Korintu hangkoia lawi barana mau mokambaroakau hai lolita au makasara.

Matiu 5:32

Agaiana ide-ide Kuuliangaakau, hema au mampogaaki towawinena au barato masala iria, madosa, lawi anti kanapogaakina, ia moanti towawinena mebualosi, ane towawinena iti motambi hule. Hai tobalilo au mampotambia towawine au napogaaki rangana, mebualosi worimi.”

1 Korintu 7:27

Pandirina: ikamu tobalilo au motambimokau, ineekau mohaoki rara mampogaaki towawinemi. Ikamu au bara manikau motambi, inee nipari-pari bona motambikau.

1 Korintu 7:29

Halalu, tunggaiaku node: ikita to Sarani, hangangaa takatuinao kadanapi ngkaia tempota i dunia ide. Ido hai kuuli, mepongka ide-ide, ikamu au motambimokau, inee nipaioru potambimi. Batena bagona Pue au hangangaa tapaioru.