1 Korintu 7:2 - Sura Malelaha

² Agaiana bona datihe ara au mobabehi sala, agina motambi peamokau. Maroa ane ope-ope tobalilo ara towawinenda hai ope-ope towawine ara tobalilonda.

1 Korintu 7:2 교차 참조

Epesu 5:28

Mewali nodo Kerisitu mampokaahi jumaa au mewalimi wataNa, tobalilo hangangaa mampokaahi wori towawinena nodo pampokaahina watana haduduana. Hema au mampokaahi towawinena himbela pea mampokaahi watana haduduana.

Epesu 5:33

Agaiana nauri nodo, batena ara wori lempona irikamu: ope-ope tobalilo hangangaa mampokakaia towawinena nodo pampokakaiana watana haduduana, hai towawine hangangaa mobila wori tobalilona.

1 Korintu 7:9

Agaiana ane bara nibuku morempeki peundeana lalumi, agimimi motambi datikau naanti peundeana lalumi i babehia au kadake.

1 Korintu 6:18

Nipakarao watami hangko i babehia au sala iti. Lawi ope-ope dosa au rababehi mewali i raoa hangko i watanta. Agaiana ane ara au mobabehi sala i babehia tobalilo hai towawine, madosami i watana haduduana.

1 Timotiu 4:3

Mopaturohe tauna bona ineehe motambi hai mopaliahe bahangkia pakana paande. Katouana ope-ope paande iti napopewali Pue Ala bona raande. Ikita tauna au mepoinalai i Kerisitu hai au moisake paturo au tou peisake moande paande iti, asala tapekakaea hai tauli ngkaia kamaroana i Pue Ala.

Matiu 5:32

Agaiana ide-ide Kuuliangaakau, hema au mampogaaki towawinena au barato masala iria, madosa, lawi anti kanapogaakina, ia moanti towawinena mebualosi, ane towawinena iti motambi hule. Hai tobalilo au mampotambia towawine au napogaaki rangana, mebualosi worimi.”

1 Korintu 7:1

Kaliliuana halalu, ide-ide ina kuhanai pekunemi i lalu surami au nipakatuana. Ikamu tobalilo, maroa ane barakau motambi.

1 Korintu 7:3

Bara maroa ane tobalilo mokaraohi towawinena ba towawine mokaraohi tobalilona alana barapohe moluhi. Tobalilo hangangaa mopabukei ada potambi i towawinena, nodo wori towawine i tobalilona.

1 Tesalonika 4:4

Ikamu tobalilo, hangangaa mohintuwukau hai towawinemi moula rara au maroa i peitana Pue Ala hai i peitana manusia.