1 Korintu 6:17 - Sura Malelaha

¹⁷ Agaiana hadua tauna au mohintuwu hai Pue, ia hampepekiri hai Pue.

1 Korintu 6:17 교차 참조

Galatia 2:20

Hai ide-ide barapona tuwo moula peundeaku haduduangku, agaiana Kerisitumi au tuwo i lalu katuwongku. Mewali, tangangku mani tuwo i dunia ide, batengku mepoinalai i Anana Pue Ala au mampokakaiana hai au mokira wataNa rapapate bona mewalina manoto i peitana Pue Ala.

1 Korintu 12:13

Nodo wori ikita. Ikita ope-ope mewali nodo hambua wata, lawi rariuke ope-ope hai Inao Malelaha au hadua pea. Ikita ope-ope molambi Inao Malelaha au himbela, maroa to Yahudi ba au bara to Yahudi, maroa au hawi tuwonda ba au bara hawi.

Yohane 3:6

Manusia molambi katuwona watana hangko i tosaena. Agaiana katuwo pepoinalaina nahumba hangko i Inao Malelaha.

Epesu 5:30

Ia mokadipurake lawi ikita au mepoinalai Iria mewalimoke hangkira hangko i WataNa.

Pilipi 2:5

Poantita hangangaa nodo poantina Kerisitu Yesu.

Roma 8:9

Agaiana ikamu halalu, barapokau moula peundeana lalumi au kadake. Moulamokau peundeana Inao Malelaha, ane Inaona Pue Ala iti maida i lalumi. Ane tauna au bara ara Inaona Kerisitu i lalunda, barahe to Sarani.

1 Korintu 6:15

Bara pae niisa halalu, watami iami hangkira hangko i watana Kerisitu. Maroa pae ane watanta au mewalimi kirana Kerisitu tapake mobabehi sala hai towawine au kadake babehiana? Bara!