1 Korintu 5:9 - Sura Malelaha

⁹ I lalu surangku hangkoia, kuuliangaakau bona ineekau mampogaloa tauna au mobabehi sala i babehia towawine hai tobalilo.

1 Korintu 5:9 교차 참조

Epesu 5:11

Mewali, inee nipeulai babehianda tauna au makaindi mani lalunda, lawi bara ara babehia maroa au mesupa hangko i lalu au makaindi. Agina nipatongawaa peamohe kakadakena babehianda iti.

2 Tesalonika 3:14

Rapana, ara tauna au bara raunde mampeulai apa au kiuki i lalu sura ide, nipekatandaihe. Ineehe nipohintuwua bona maeahe.

2 Tesalonika 3:6

Halalu, hai kuasa au naweingkai Pue Yesu Kerisitu, kiuliangaakau: ineehe nipohintuwua halalumi hampepepoinalai au lohehe mobago hai au barahe mampeulai atura au nidoko hangko irikami.

2 Korintu 6:14

Ineekau mampohintuwua tauna au barahe mepoinalai i Pue Yesu. Ba niuli himbela pea tauna au moulahe peundeana Pue Ala hai tauna au mosapuakahe Pue Ala? Peisa pae au mabaa mohintuwu hai au makaindi?

1 Korintu 5:7

Ane to Yahudi mobabehi ada Posusa Pasa, ope-ope ragi hangangaa raingihi i olonda hangko i sounda, hai hambaa ana dimba hangangaa rasambale mewali popenomba popohompo dosanda. Nodo ragi raingihi hangko i sounda, ikamu wori hangangaa moingihi tauna au madosa iti hangko i olomi bona malelaha tuwomi, lawi ikamu napamalelahamokau Pue Ala. Hai nodo hambaa dimba rasambale i Posusa Pasa, Kerisitu rapapate worimi bona mohompo dosanta.

1 Korintu 5:2

Agaiana ikamu, nauri ara au mobabehi nodo i olomi, mampemahile manikau! Katouana, hangangaa masusari lalumi, hai tauna iti hangangaa nipopeloho hangko i olomi.

2 Korintu 6:17

“Mewali, hangangaa nikabaha peulami i babehianda tauna au baraNa raisa. Ineehe nipohintuwua! Nipakarao watami hangko i ope-ope babehia au kadake.”

1 Korintu 5:10

Agaiana bara tunggaiaku bona ineemohe nipogaloa ope-ope tauna i dunia ide au barahe moisa Pue Ala, au mobabehi sala, au mehioro, au modongko, ba au menomba i anitu. Bara ihira au kutunggai. Lawi ane keihira au kutunggai, lempona hangangaa padukau hangko i dunia ide.