1 Korintu 5:8 - Sura Malelaha

⁸ Mewali, mamposusaimoke Posusa Pasa i lalunta. Hangangaa tatende ragi au hae, lempona babehianta hangkoia au kadake. Hai hangangaa maandeke roti au wou au bara raragii. Lempona hangangaa moulake peundeana Pue Ala hangko i kabulana lalunta.

1 Korintu 5:8 교차 참조

Lukasi 12:1

Arahe isabuna tauna au moteruhu mampeinaohe moita Yesu, mombeupi-upihe alana mombepangka-pangkamohe. I tempo iti, Yesu mouliangaahe topeguruNa, “Maroa-roakau i raginda toParisi. Ineekau meguru i toParisi, lawi maroa i raoa peahe agaiana kadake lalunda.

Markus 8:15

Yesu mopahawe lolita ide irihira, Nauli, “Maroa-roakau, hai mainga-ingakau i raginda toParisi hai ragina Datu Herode!”

Matiu 16:6

“Maroa-roakau, hai mainga-ingakau i raginda toParisi hai toSaduki!”

1 Peturu 4:2

Mewali, i tempomi mani tuwo i dunia ide, inee nipeulai peundeana lalumi au kadake. Hangangaa moulakau peundeana Pue Ala.

Epesu 6:24

Pue mowati ope-ope tauna au mampokakaia Amputa Yesu Kerisitu hai ahi au bara ara kahopoana. Hangko iriko PAULU

1 Korintu 5:6

I olomi arahe au kadake babehianda, agaiana mampemahile liliukau! Bara pae niisa lolita au manguli, “Ragi au haodi mampopembongke tapu”? Lempona, hadua tauna au madosa peisa mopakanawo bosa tauna i olomi.

Yohane 1:47

KamoitaNa Natanael mai mepohidupaa, mololitami Yesu kana i Natanael, Nauli, “Olou mai hadua to Isaraeli ntepuu, ia bara topodongko!”

Matiu 16:12

Roo indo, hangko raisari topeguruNa kadana ragi au rapoporoti au natunggai Yesu. Tunggaiana lolitaNa bona mainga-ingahe i paturonda toParisi hai toSaduki.

2 Korintu 8:8

Au kuuliangaakau ide bara nodo parenta. Tunggaiaku bona kupopaisaakau noumba kamahilena ahinda to Makedonia mokira doi petulunginda i ranganda. Hai hangko inditi, peisa kuita noumba kamahilena ahimi.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

1 Korintu 5:1

Ara kuhadi au mololita kana i babehianda tauna i olomi au bara hintoto. Ara hadua rangami au mampotambia towawinena umana. Mogalori i olonda tauna au barahe moisa Pue Ala, barahe ara au mobabehi nodo.

1 Korintu 3:3

lawi moula manikau peundeana lalumi au kadake. Mahinakau hai mobungka-bungka manikau, itimi au mopakanoto poulami mani peundeana lalumi au kadake, nodo tauna au bara manihe moisa Pue.

2 Korintu 2:17

Agaiana ikami, barangkai nodo tauna au mohaoki peahe doi hangko i popahawenda Ngkorana Pue. Mopahawengkai Ngkorana Pue hangko i kabulana lalungki anti pohintuwuki hai Kerisitu moula tunggaiana Pue Ala au motudungkai mampopolumao bagoNa. Iami au mampetirongkai.