1 Korintu 3:11 - Sura Malelaha

¹¹ Lawi bara ara rara ntanina mewali anana Pue Ala, batena pea mepoinalai i Yesu Kerisitu. Ido hai Yesu Kerisitu rapandiri nodo watu pohudaa sou au naaro Pue Ala. Bara ara pohudaa sou au ntanina.

1 Korintu 3:11 교차 참조

Epesu 2:20

Ikita au mepoinalai i Yesu peisake rapandiri nodo sou au naaro Pue Ala. Surona Pue Yesu hai nabi-nabi, ihirami ariina. Hai Kerisitu Yesu, iami watu pohudaa sou.

2 Timotiu 2:19

Nauri nodo, Ngkorana Pue Ala batena maroho peangkana. Ngkorana Pue Ala rapandiri nodo haogu watu au bara ina tedua. I lalu Ngkorana Pue Ala teuki node, “Pue moisa hema au Napilei mewali anaNa,” hai, “Hema-hema au mopangaku kaYesuna Ampunda, hangangaa mokabahahe babehianda au kadake.”

Matiu 16:18

Mewali, ido hai rahangako Peturu, lempona ‘watu’. Hai i wongko watu ide, Kuaro souNgku lempona, Kugulu ope-ope tauna au mampoinalaiNa. Ope-ope kuasa tokadake bara peisa monangihe.

1 Korintu 3:10

Anti kabulana laluna Pue Ala, ikomi au nguru-nguruna mobambari Ngkora Marasa irikamu. Iko nodona hadua topoaro sou au mapande. Moaromona watu pohudaa sou, hai tauna ntanina moaro sou i wongko watu iti. Hai ope-ope topobago hangangaa mobagohe maroa-roa.

1 Korintu 3:12

Hai i wongko watu pohudaa sou iti, ara au moaro sou mopake bulawa, salaka hai watu au masuli, hai ara wori au mopake kau, hehi bangi ba deami.

1 Peturu 2:4

Pue Yesu peisa rapandiri nodo haogu watu au tuwo. Watu iti ratende tauna, lawi rauli bara mobundu. Agaiana i peitana Pue Ala, watu itiri au mahile holona, hai Pue Ala mopilei watu iti mewali watu pohudaa sou. Hai ikamu, halalu au mepoinalai i Pue Yesu, maikau i Pue Yesu,