1 Korintu 15:34 - Sura Malelaha

³⁴ Ido hai kuuliangaakau, nipakanoto lalumi moula paturo au tou, hai nikabahami ope-ope dosami. Lawi ara manikau au bara moisa Pue Ala. Iti kupahawe bona maeakau.

1 Korintu 15:34 교차 참조

1 Korintu 6:5

Tunggaiana lolitangku ide bona maeakau. Halalungku au mepoinalai i Kerisitu, bara pae ara hadua i olomi au manoto laluna au peisa mobotusi kara-karami?

Roma 13:11

Ope-ope iti hangangaa tababehi, lawi taisa mpuu apa au hintoto tababehi i tempo ide: hangangaa mearomoke hangko i kaletanta. Lawi mepongka hangko i kanipoinalaina Pue, kahungku-hungkuami kamaiana Pue Yesu au karombelana. Ina maike Nahorema hangko i dunia au kadake ide.

Epesu 5:14

Ido hai ara lolita au manguli: “Mearomokau au leta, Mearomokau hangko i kapate, hai Kerisitu ina mowangkahikau.”

1 Korintu 8:7

Agaiana nauri nodo, bara ope-ope to Sarani moisa iti. Arahe au menomba i anitu hangko damanihe mewali to Sarani, hai duuna ide-ide ane moitahe paande au rapopenomba i anitu, nauli lalunda, “Iti popenomba i anitu!” Mewali, ane maandehe paande iti, nauli lalunda, “Madosake,” lawi bata-bata mani lalunda ba peisa raande ba bara.

Roma 1:28

Lawi i pekirinda barapohe paraluu moisa Pue Ala, ido hai Napogiangaami Pue Ala pekirinda mewali kadake, alana mobabehihe babehia au bara hintoto.

Yohane 8:11

Nahanai towawine iti, Nauli, “Bara ara, Pue.” Nauli Yesu, “Mewali, bara woriko Kuhuku. Mesulemoko, hai ineemoko mobabehi dosa.”]

Yohane 5:14

Bara mahae hangko inditi, Yesu mampohidupaa tauna iti i Souna Pue Ala, hai Nauliangaa, “Ide-ide maohamoko; ineemoko mobabehi dosa bona datiko narumpa ba apa-apa au meliu kakadakena.”

1 Tesalonika 4:5

Ineekau naanti peundeana lalumi au kadake, nodo au biasa mewali i tauna au barahe moisa Pue Ala.

Matiu 22:29

Nahanai Yesu, “Sala ntepuu pekirimi, lawi bara niisa ihi Sura Malelaha, bara wori niisa kuasana Pue Ala.

Suro 26:8

Hai ikamu halalungku to Yahudi, moapari pane bara nipoinalai kamakuasana Pue Ala mopatuwo hule tomate?

1 Korintu 4:14

Halalu! Tunggaiaku mouki sura ide barakau kupakaea. Lolitangku ide, mopaturokau, lawi kuimbakau anangku au kupokaahi.