1 Korintu 15:18 - Sura Malelaha

¹⁸ Hai ane nodo, to Sarani au matehe, bara ara peharunganda.

1 Korintu 15:18 교차 참조

Pampetudungia 14:13

Roo iti, kuhadi mbuli hambua wotu hangko i suruga au manguli, “Nuuki ide: mepongka ide-ide, morasimohe tauna au mate i lalu pepoinalainda i Yesu.” Nahanai Inao Malelaha, “Tou mpuu! Lawi tauna iti, batenda ina mengkaroo hangko i pobagonda, hai batenda ina molambi wua pobagonda.”

1 Tesalonika 4:16

Lawi i tempona Pue Yesu mendaulu hangko i suruga, ina tahadi hampai pekakiona tadulakonda malaeka hai pomoni tatamburuna Pue Ala. Hai i tempo iti, ina tuwo hulehe ope-ope tomate au mepoinalai i Kerisitu.

1 Korintu 15:6

Hangko inditi, mopatongawa mbulimi i lindonda topeulaNa au lima atuna labi. Tauna iti kabosanda tuwo manihe ide-ide, agaiana aramohe bahangkia au mate.

Suro 7:60

Roo indo, molingkudumi, hai mololita masisimbuku, nauli, “Pue, ineehe Nuhuku anti dosanda ide.” Karoona mololita nodo, matemi.

1 Tesalonika 4:15

Idemi paturo au kidoko hangko i Pue Yesu: i kahawena hule Pue Yesu, ikita au tuwo manike, barake ina mampehindorungi ranganta au matemohe.