1 Korintu 14:31 - Sura Malelaha

³¹ Ane nodo, peisakau mombehuru-huru mopahawe lolita hangko i Pue Ala bona ikamu ope-ope molambi paturo au mopakaroho pepoinalaimi.

1 Korintu 14:31 교차 참조

1 Tesalonika 5:14

Halalu, kiperapi bona rangami au lohehe mobago niweihe lolita. Nipalindohe au masusa lalunda. Nipakarohohe au malede pepoinalainda, hai hangangaa sabarakau i ope-ope tauna.

1 Tesalonika 5:11

Idomi hai halalu, hangangaa mombepaturokau hai mombepakaroho mpolalukau nodo au nibabehi ide-ide.

1 Tesalonika 4:18

Mewali halalu, hangko i bambari ide, hangangaa mombepalindoke hadua hai hadua.

Epesu 6:22

Ido hai kutudumi lao irikamu nauliangaakau kanoumbaki inde bona tepalindo lalumi.

2 Korintu 1:4

Ia mopakaroho lalungki i lalu paka-pakana kapari au morumpangkai bona karoho au kidoko hangko Iria, kipake wori mopakaroho lalunda hema pea au narumpa kapari apa pea.

1 Korintu 14:35

Ane mampeinaohe moisa ba apa pea, agina rapekune i tobalilonda i sou, lawi bara hintoto ane towawine paka mololita i paminggua.

1 Korintu 14:19

Agaiana i lalu paminggu, agina mololitana i lalu basa au raisa ranganta bona lolitangku raisa lempona, hai aginami hantepo rontepo pea lolitangku mopaguru ranganta, panena mololita kangkalanga i lalu basa au hangko i Inao Malelaha au bara raisa ranganta.

1 Korintu 14:3

Agaiana hema au mopahawe lolita hangko i Pue Ala, mopaturohe tauna, lawi lolitanda mopakaroho pepoinalainda ranganda, mohuweki lalunda hai mopalindohe.

Roma 1:12

Tunggaiaku bona tepakaroho worina anti pepoinalaimi; mewali peisake momberohongi mpolalu hadua hai hadua.

1 Korintu 14:30

Ane rapana, ara hadua tauna au mohuda hai mohumba lolita hangko i Pue Ala, agina tauna au tangana mololita mengkaroo hampai bona rangana peisa mololita.

1 Korintu 14:32

Tauna au mopahawe lolita hangko i Pue Ala hangangaa peisahe morempeki peundeanda mololita. Hangangaa rabuku mololita hai mengkaroo moula peundeanda.

Kolose 2:2

Tunggaiaku bona maroho lalumi hai mombepokaahikau, alana mohintuwukau hadua hai hadua. Peundeaku bona tongawa i lalumi tunggaiana Pue Ala au tewuniangi hangkoia hai bara bata-bata lalumi; tunggaiaNa iti bona moisakau Kerisitu.

1 Tesalonika 5:20

Inee bara nipoinalai lolitana Pue Ala au rapahawe tuduaNa.