1 Korintu 14:24 - Sura Malelaha

²⁴ Agaiana ane ikamu ope-ope mopahawe lolita hangko i Pue Ala hai mesua hadua tauna au bara to Sarani ba au bara mani moisa Ngkorana Pue Ala, ina naisa lempona lolitami alana manoto kamadosana hai

1 Korintu 14:24 교차 참조

1 Korintu 2:15

Ikita au molambi Inao Malelaha, manoto lalunta moparesa hinangkana: maroa ba bara. Agaiana tauna au bara moisa Pue Ala, barahe peisa moparesa lalunta.

Suro 2:37

Karahadina tauna bosa lolitana Peturu iti, tebalikimi lalunda, hai mekunehe i Peturu hai i surona Pue Yesu au ntanina, rauli, “Halalu-halalu, ane nodo, apami au hangangaa kibabehi?”

Yohane 4:29

“Maikau, laoke mampeita hadua tauna au mampololita ope-ope babehiangku. Ba Ia mpuumi Datu Topehompo?”

Yohane 16:8

Ane hawe Inao Malelaha, Ia au ina mopatongawa kamadosana manusia, kamanotoNgku hai pehukuna Pue Ala.

1 Korintu 14:1

Mewali, au hangangaa tapaioru, iami kamaahinta i ranganta, hai hangangaa tapari-pari wori molambi kapande hangko i Inao Malelaha. Agaiana kapande au meliu pobunduana, iami kapande mopahawe lolita hangko i Pue Ala.

1 Korintu 14:16

Ane rapana mololitake i lalu basa au hangko i Inao Malelaha manguli ngkaia kamaroana i Pue Ala, hai bara manoto lempona lolitanta i tauna au mohadi, tauna iti barahe peisa mampokana lolitanta lawi bara ina raisa apa au tauli.