1 Korintu 13:2 - Sura Malelaha

² Ane rapana, molambina kapande mopahawe lolita hangko i Pue Ala hai molambina ope-ope kapande hangko i Pue Ala au bara raisa rangangku, hai ane maroho pepoinalaingku pane kubuku mopalimba bulu, agaiana bara maahi lalungku, bara mpuu ara bunduna katuwongku.

1 Korintu 13:2 교차 참조

1 Yohane 4:8

Tauna au barahe mampokaahi ranganda, bara manihe moisa Pue Ala, lawi Pue Ala iami ahi.

1 Korintu 13:3

Ane hinangka anu-anungku kuweihe tauna au meahi-ahi tuwonda, hai mokirana watangku rahuwe, agaiana bara maahi lalungku, bara mpuu ara bunduna katuwongku.

Matiu 17:20

Nahanaihe Yesu, “Nodomi, lawi makura mani pepoinalaimi. Tou mpuu au Kuuliangaakau ide: ane arami pepoinalaimi nauri kokoi pea nodo lihu hahawi, ope-ope peisa mewali. Peisakau mouliangaa bulu iti: ‘Melimbako hangko inditi!’ hai batena melimba.

1 Korintu 16:22

Tauna au bara mampokaahi Pue Yesu, hararamohe i Pue Ala. Maranata! MaimoKo, Pue!

Matiu 21:21

Nahanai Yesu, “Tou mpuu au Kuuliangaakau, ane nipoinalai hai bara bata-bata lalumi, peisa wori nibabehi nodo au Kubabehi i kau iti. Mogalori bulu olou, peisa nipohawaa, niuli: ‘Teangkamoko, pengkanawo i lalu tahi!’ hai batena ina mewali.

Epesu 3:4

Mewali ane mobasakau surangku ide, ina niisa wori tunggaiana Pue Ala kana i Kerisitu au tewuniangi hangkoia, nodo poisangku tunggaia iti.

1 Korintu 13:1

Ane rapana, molambina kapande hangko i Inao Malelaha bona mololitana i lalu basa malaeka ba basa manusia au bara kuisa, agaiana bara maahi lalungku, bara mpuu ara bunduna katuwongku. Ope-ope kapande iti nodo pea pomoni ndonge ba porio-riona timbonga.

Galatia 5:16

Tunggaiaku node: hangangaa naninike Inao Malelaha bona datike mampeulai peundeana lalunta au kadake.

Kolose 1:26

Iatuna parena, tunggaiana Pue Ala tewuniangi i ope-ope tauna. Agaiana ide-ide rapatongawami i ope-ope tauna au mepoinalai Iria.

Galatia 6:3

Ane ara hadua tauna au moimba tuwona melumbu, moleri barato, himbela pea mampodongkoa watana haduduana.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

1 Korintu 12:28

Hai irikita au mepoinalai, Pue Ala mopakanotomi bona hadua-hadua ara bagona, kaisa arahe au mewali suroNa, kadua arahe au mopahawe NgkoraNa, hai katalu arahe au mepaturo. Ara worihe au Nawei kuasa mobabehi tanda kuasa. Arahe au Nawei kuasa mepakaoha, arahe au molambi kapande motulungi hangka ranganda, arahe au mewali tadulako, arahe au molambi kapande mololita i lalu basa au hangko i Inao Malelaha.

1 Korintu 7:19

Lawi i peitana Pue, ane ratile ba barake ratile, himbela pea. Au paraluu ntepuu, tapeulaimi hawana Pue Ala.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

Epesu 6:19

Hai nipekakaea worina bona i tempoku mololita, Pue Ala moweina lolita au manoto bona datina langa mopahawe Ngkora Marasa au tewuniangi hangkoia.

1 Korintu 4:1

Ane ikami, agina niuli peamongkai hawi, lawi hawinangkai Kerisitu, au Naharungangkai moanti bambari hangko i Pue Ala au bara mani raisa tauna i dunia.

Roma 16:25

Toiami Pue Ala! Lawi Iami au makuasa mopakaroho pepoinalaimi anti Ngkora Marasa au kupahaweakau bona niisa kahemana Yesu Kerisitu. Iatunami parena, tunggaiana Pue Ala iti bara raisa tauna.

Roma 11:25

Halalungku hampepepoinalai! Kupeinao mouliangaakau apa tunggaiana Pue Ala au bara raisa tauna hangkoia. Kuuliangaakau ide bona ineekau mampemahile. Bona niisa: ide-ide hanggaa to Yahudi matua lalunda agaiana iti bara mahae, duuna handa kabosanda tauna au barahe to Yahudi au mepoinalai i Yesu hintoto hai tunggaiana Pue Ala.

Matiu 21:19

Naita i wiwi rara hampoa kau ara. Laomi i patoana Nahaoki wuana, agaiana bara huba haogu wuana, batena pea tawena. Ido hai Yesu mogane kau iti, Nauli, “Mepongka alo ide, barapoko mowua!” Liliu malau hai bangi kau ara iti.

Matiu 13:11

Nahanai Yesu, “Hangkoia, tewuniangi mani paturo kana i poparentana Pue Ala. Ide-ide Naweikau Pue Ala pekiri bona niisa lempona paturo iti. Agaiana ane tauna bosa, barahe Nawei pekiri molempo paturo iti.

2 Korintu 12:11

Ane inona mololitamona nodo tontuli, ikamu au mampopewalina node. Katouana ikamuri au hangangaa motoiana. Lawi kehapina malede, barato worina tepaiwoi hangko i suro ntanina au mampemapande gagahe iti.

1 Korintu 14:39

Mewali halalu, hangangaa nipari-pari molambi kapande mopahawe lolita hangko i Pue Ala, agaiana inee worihe nikonto au mololita i lalu basa au hangko i Inao Malelaha.

1 Korintu 8:4

Mewali, kana i paande au rapopenomba i anitu, niuli peisa raande, lawi taisa kadana ara pue ntanina, batena pea Pue Ala. Hai taisa ope-ope lengge anitu au rapenombai, bara ara au tou.

Suro 13:1

I olonda to Sarani i Antiokia, arahe bahangkia nabi hai guru mopahawe Ngkorana Pue, hanganda: Baranaba, Simeo au rakakio Tomaeta, Lukius hangko i Kirene, Menahem (au rapatuwo sambela hai Datu Herode Antipas i temponda mani kokoi), hai Saulu.

Roma 15:14

Halalungku ope-ope! Kuisa mpuu kangkaiana babehiami au maroa. Niisami paturo hangko i Ngkorana Pue, hai niisa mombepakaroho mpolalu hadua hai hadua.

1 Korintu 11:4

Ane hadua tobalilo metolombu i tempona mekakae ba mopahawe lolitana Pue Ala i paminggu, ia mopapakoi Kerisitu, tadulakona.

1 Korintu 13:8

Ahi bara ara kahopoana. Agaiana ane arake au mapande mopahawe lolita hangko i Pue Ala, hambela tempo kapande iti barapi ina ara. Ane arake au mapande mololita i lalu basa Inao Malelaha, hambela tempo kapande iti ina ope. Ane molambike kapande hangko i Pue Ala bona moisake apa au bara raisa ranganta, hambela tempo, kapande iti barapi raparaluu.

1 Korintu 14:4

Tauna au mololitahe i lalu basa au hangko i Inao Malelaha mopakaroho peahe lalunda haduduanda. Tauna au mopahawe lolita hangko i Pue Ala mopakarohohe lalunda jumaa.

1 Korintu 14:29

Ane arahe au mopahawe lolita hangko i Pue Ala, agina rodua ba talu peahe au mololita, hai hangangaa arahe tauna ntanina au moparesa lolitanda, ba tou mpuu hangko i Pue Ala ba bara.

1 Korintu 15:51

Mewali bona niisa, kupahaweakau paturo au tewuniangi hangkoia: i kahawena hule Pue Yesu, arake au bara mani mate, agaiana ikita ope-ope ina rabaliki, maroa au tuwo, maroa au mate.