1 Korintu 13:12 - Sura Malelaha

¹² Lawi ide-ide, nodoke hadua tauna au mampeita hambua lengge i pampewaoa au mogawu-gawu, lawi bara mani taisa hinangkana i katou-touana. I alo au ina mai, hangko taisari hinangkana, lawi ina mampombelindoamoke Pue Ala hai ina taita i katongawaana. Ide-ide, makura mani kamapandeku. Agaiana i alo au ina mai, ina kuisa ntepuu hinangkana, nodo Pue Ala moisana.

1 Korintu 13:12 교차 참조

1 Yohane 3:2

Halalu au kupokaahi! Ide-ide, ananamoke Pue Ala. Agaiana bara mani taisa noumba kamaroana katuwonta i alo au ina mai, lawi bara manike rapatongawaa. Nauri nodo au taisa iami: ane hawe hule Kerisitu, ina mewalike himbela hai Ia, lawi ina taita mpuu noumba lenggeNa au katou-touana.

2 Korintu 3:18

Mewali, ikita ope-ope au mepoinalai i Pue, barapi ara tolombu au mobalungkuhi lalunta. Taisami kuasana Pue, hai kuasaNa iti mobaliki liliu lalunta. Kamahae-haea, katetetambaia kuasana Pue i katuwonta duunta mewali nodo Ia. Inaona Pue haduduaNa au mampopolumao bago iti i lalunta.

Pilipi 3:12

Halalu, bara kuuli kuisa mpuumi Kerisitu, ba kuuli malelahami tuwongku. Bara wongkoia. Agaiana kupari-pari bona mewalina himbela hai Ia, lawi nodomi tunggaiana Kerisitu Yesu au mokakiona mewali taunaNa.

Pampetudungia 22:4

hai raita lindoNa. Hangana Pue Ala teuki i wingkenda.

Yakobu 1:23

Tauna au mampehadingi Ngkorana Pue hai bara napeulai, peisa rapandiri nodo hadua tauna au mampewao.

2 Korintu 5:7

Meulake i Pue anti pepoinalainta, kehapiri bara mani taita.

Matiu 5:8

Morasihe tauna au malelaha lalunda, lawi ihirami au ina moita Pue Ala.

1 Korintu 8:3

Agaiana tauna au tou-tou mampokaahi Pue Ala, naisa Pue Ala lalunda.

Roma 8:18

Moula pelambiaku, ope-ope kapari au morumpake ide-ide bara peisa tapahintoto hai kamahilena tuwonta au ina raweike i alo au ina mai.

Matiu 18:10

“Mewali, mainga-inga mpuukau. Inee nipakoi tauna au koi tuwona nodo anangkoi ide, nauri hadua pea. Lawi tou-tou Kuuliangaakau: malaeka au mokampaihe maida liliu i lindona UmaNgku au ara i suruga.

1 Korintu 13:11

Pandirina ane anangkoi manina, mololitana nodo anangkoi; pekiringku hai lalungku nodo wori anangkoi. Agaiana ide-ide, mahilemona; kupalehimi apa au kubabehi hangkoia.