1 Korintu 12:26 - Sura Malelaha

²⁶ Ane ara hadua ranganta au mahai, hangangaa mantodiha sambelake. Ane ara hadua ranganta au ratoia, ikita ope-ope ina matana sambela worike.

1 Korintu 12:26 교차 참조

Matiu 3:15

Agaiana nahanai Yesu, Nauli, “NuriumoNa. Hintotomi au nubabehi ide bona tapabukei ope-ope peundeana Pue Ala.” Hangko indo, nariu mpuumi.

Matiu 5:29

Mewali, maroa-roako bona ineeko madosa i apa au nuita ba apa au nubabehi. Ane pandirina mata koanamu au moantiko madosa, nudungkiki peami hai nutende. Aginami matanta matamu hambali hai barapoko mobabehi dosa, paneko ratende i lalu naraka. Ane pandirina taie koanamu moantiko madosa, nubohoki hai nutende. Aginami matanta taiemu hambali hai barapoko mobabehi dosa, paneko ratende i lalu naraka.”

Roma 12:15

Hangangaa matanakau hihimbela hai tauna au matana, moteriakau hihimbela hai tauna au moteria.

1 Korintu 12:25

Nodo wori ikita au mepoinalai i Pue Yesu, ikita ope-ope rapandiri nodo kira-kirana wata au hambua pea, hai hangangaa mombekamatake hadua hai hadua bona dati ara posisalanta.

1 Korintu 12:27

Ikamu ope-ope wataNamokau Kerisitu, hai hadua-haduakau iami hangkira hangko i wata iti.

Galatia 6:2

Hangangaa mombembetulungikau hadua hai hadua bona hai babehiami iti, nipeulaimi hawana Kerisitu.

Ibarani 13:3

Hangangaa mokatuinaokau rangami au i lalu tarunggu. Hangangaa nihalea kaparinda nodo worikau ratarunggu hihimbela hai ihira. Hai nitulungihe tauna au rapopeahi-ahi anti pepoinalainda. Hangangaa nihalea kamaparinda nodo worikau au rapopeahi-ahi hihimbela hai ihira.

1 Peturu 3:8

Kahopoana, ikamu hangangaa mohintuwukau, hampepekirikau, hai mombepokaahikau nodo topohalalu. Hangangaa maahikau hai mengkaiwoikau.