1 Korintu 11:16 - Sura Malelaha

¹⁶ Agaiana ane ara au mampeinao mosapuaka au kuuli ide, idemi lolitangku moula ada au kipeulai, towawine hangangaa metolombu i paminggua, hai ada iti rapeulai wori halalunta hampepepoinalai i boea-boeana. Au ntanina hangko ide, bara ara.

1 Korintu 11:16 교차 참조

1 Korintu 7:17

Hangangaa tapokatana katuwonta au Napakanotoake Pue Ala i kaNakakionta mewali anaNa. Itimi parentaku au kupaturoahe ope-ope jumaa iumba pea kalaoangku.

1 Tesalonika 2:14

Kiisa iti halalu, lawi apa au mewali i halalu hampepepoinalai i tampo Yudea mewali wori irikamu. Nodo halalunta hampepepoinalai, ope-ope jumaa i tampo Yudea rapopeahi-ahihe hangka to Yahudinda, ikamu wori rapopeahi-ahikau to hambomboeami.

Suro 21:24

Mewali, hangangaa laoko hihimbela hai ihira i Souna Pue Ala mobabehi ada agama mpobahoi wata, hai hangangaa nubaiari holo binata popenombanda bona peisamohe mogundi weluanda moula dandinda. Ane nodo, ina manoto i ope-ope tauna kadana tou bambari au rahadi kana i pepaturomu. Lawi nupeulaitomani Aturana Musa.

Suro 21:21

Agaiana mohadimohe bambari kana irio. Rauli, nupaturohe to Yahudi au mampogaloa tauna au barahe to Yahudi bona barapohe mampeulai Aturana Musa. Rauli, nupaturohe bona ineehe motile ananda hai ineehe mampeulai adanda toiorunta hangkoia.

1 Korintu 16:1

Kaliliuana halalu, ina mololitana kana i doi au nigulu bona nipopotulungihe halalunta hampepepoinalai au meahi-ahi tuwonda i wanua Yerusale. Kuperapi bona nibabehi iti moula apa au kuhawaamohe to Sarani au ara i tampo Galatia.

1 Korintu 4:5

Ido hai kuuli, ineekau mosalai pobagonda hangka rangami. Nipegiami kahawena hule Pue. Iami au ina mobungkahi ope-ope au tewuniangi mani i lalu kamakaindi. Ia au ina mopatongawa ope-ope tunggaianda tauna au tewuniangi mani. I tempo itimi, hadua-hadua tauna ina molambi petoia hangko i Pue Ala moula kahintotoana.

1 Korintu 9:1

Barana pae peisa mobabehi apa-apa moula peundeaku haduduangku? Barana pae surona Pue Yesu? Bara manina pae moita Yesu Amputa? Hai bara pae napopewalimona suroNa? Hai bara pae ikamumi wua pobagongku i Pue?

1 Korintu 9:6

Ba Baranaba pea hai iko au hangangaa mobago mohaoki paandeki? Barangkai pae hintoto ane molambingkai sarongki nodohe surona Pue Yesu au ntanina?

1 Korintu 11:15

Agaiana ane ngkalanga weluana hadua towawine, tauli maroa. Weluana au ngkalanga iti mopamakara watana, lawi weluana iti mewali rapotolombu.