1 Korintu 10:32 - Sura Malelaha

³² Ineeke mobabehi apa pea au mopakanawo ranganta, maroa to Yahudi ba tauna au barahe to Yahudi ba halalunta hampepepoinalai au mengkoru i Pue Ala.

1 Korintu 10:32 교차 참조

1 Korintu 10:33

Nodo wori iko, i paka-pakana kubabehi liliu apa au maroa i peitanda ope-ope tauna. Bara kuhaoki apa au mobundu pea i watangku haduduangku, agaiana kubabehi apa au ina mobundu i rangangku bona tehoremahe hangko i huku dosanda.

Suro 20:28

Maroa-roakau datikau madosa, hai nikadipura maroa ope-ope jumaa au napoinalaiakau Inao Malelaha. Hangangaa nikadipurahe, nodo hadua toporewu mamporewu dimbana, lawi Anana Pue Ala mate mobaiari huku dosanda bona mewalihe taunana Pue Ala.

Roma 14:13

Ido hai kuuliangaakau: ineeke mombesasalai. Agina maroa-roake dati ara babehianta au mokelo-kelo halalunta hampepepoinalai duuna madosa hai manawo.

2 Korintu 6:3

Mobagomongkai maroa-roa dati ara tauna au kipakanawo, bona bara ara tauna au mopapakoi bagongki mobambari Ngkorana Pue Ala.

1 Korintu 8:13

Ido hai kuuliangaakau, ane rapana kupakanawo halalungku hampepepoinalai i kakuandena bau ba paande ntanina, barapi ina kuande paande iti bona datihe ara halalungku au rapakanawo anti babehiangku.

Suro 24:16

Ido hai mobabehi liliuna apa au maroa bona kuisa i lalungku kadana ara apa-apa au peisa raraiana, maroa i peitana Pue Ala, maroa i peitana manusia.

1 Timotiu 3:15

bona ane rapana mahae manina pane hawe irio, nuisa babehia au hintoto i ope-ope taunana Pue Ala. Lawi ikita ide, menombake i Pue Ala au tuwo i hae-haena. Ikita au mokingki paturo au tou au hangko i Pue Ala. Maroho mpuu pepoinalainta i paturo iti, hai takampai paturo iti bona dati ara au mobaliki.

1 Korintu 11:22

Barakau pae mosou? Agina maande hai maenu amimokau i soumi moula peundeami. Moapari hai nibabehi nodo i poteruhuami? Niunderi pae mopapakoi hangka rangami au mewali kirana Pue Ala? Nipeinao pae mopakaeahe halalumi au meahi-ahi tuwonda? Apa au hangangaa kuuliangaakau? Ba kutoiakau? Bara! I babehiami iti barakau kutoia.

1 Timotiu 3:5

Lawi ane ara hadua tauna au bara naisa mokadipura tauna i lalu souna, noumbami kanabukuna mokadipura halaluna hampepepoinalai.

Pilipi 1:10

Halalu, kuperapi nodo bona niisa rara mopilei apa au maroa ntepuu hai bona malelaha tuwomi duuna barapi ara kamasalami i alo kahawena hule Kerisitu.

1 Korintu 7:17

Hangangaa tapokatana katuwonta au Napakanotoake Pue Ala i kaNakakionta mewali anaNa. Itimi parentaku au kupaturoahe ope-ope jumaa iumba pea kalaoangku.

1 Korintu 12:28

Hai irikita au mepoinalai, Pue Ala mopakanotomi bona hadua-hadua ara bagona, kaisa arahe au mewali suroNa, kadua arahe au mopahawe NgkoraNa, hai katalu arahe au mepaturo. Ara worihe au Nawei kuasa mobabehi tanda kuasa. Arahe au Nawei kuasa mepakaoha, arahe au molambi kapande motulungi hangka ranganda, arahe au mewali tadulako, arahe au molambi kapande mololita i lalu basa au hangko i Inao Malelaha.

1 Korintu 15:9

Lawi ide iko, suro au tepakoi tuwongku hangko i ope-ope surona Pue Yesu. Katouana, barana hintoto rauli suro, lawi hangkoia mampopeahi-ahina tauna au mepoinalaihe i Pue Yesu.

2 Korintu 1:1

Sura ide hangko iriko Paulu, au naangka Pue Ala mewali surona Kerisitu Yesu moula peundeaNa, hai hangko i Timotiu, halalunta hampepepoinalai, kipakatu irikamu jumaa au ara i wanua Korintu hai i ope-ope to Sarani au i propinsi Akaya.

Galatia 1:13

Niisa, halalu, lolitakana katuwongku hangkoia i poulangku agama Yahudi. Bosa mpuuhe rangangku au moula agama Yahudi, agaiana ikomi au melumbu peulangku i ope-ope atura agama, lawi hangko i lalungku mpuu moulana adanda toiorungki. Hai i tempo iti, kupari-pari mampopeahi-ahihe ope-ope to Sarani, lawi kupeinaohe kupatuna.

Pilipi 3:6

I tempo iti mampeulai mpuuna agama Yahudi, duuna kupari-pari mampopeahi-ahi tauna au mepoinalai i Yesu. Kupeulai hinangka parenta au teuki i lalu Aturana Musa, bara ara tauna au peisa molambi kamasalangku.

1 Tesalonika 2:14

Kiisa iti halalu, lawi apa au mewali i halalu hampepepoinalai i tampo Yudea mewali wori irikamu. Nodo halalunta hampepepoinalai, ope-ope jumaa i tampo Yudea rapopeahi-ahihe hangka to Yahudinda, ikamu wori rapopeahi-ahikau to hambomboeami.