1 Korintu 10:11 - Sura Malelaha

¹¹ Ope-ope au mewali irihira hangkoia hangangaa tapailalu mewali ngkora pandiri irikita ide-ide. Hai ope-ope au mewali iti, teuki bona datike molambi pehukuna Pue Ala nodo irihira. Lawi ikita ide, tuwoke hungkumi i kahopoa dunia.

1 Korintu 10:11 교차 참조

Roma 15:4

Ope-ope au teuki hangkoia i lalu Sura Malelaha, teuki bona mewali paturo irikita. Hangko i paturo au tahumba i lalu Sura Malelaha iti, tabuku mantaha i lalu kapari, hai tehuweki lalunta bona maroho peharunganta i Pue Ala.

Roma 13:11

Ope-ope iti hangangaa tababehi, lawi taisa mpuu apa au hintoto tababehi i tempo ide: hangangaa mearomoke hangko i kaletanta. Lawi mepongka hangko i kanipoinalaina Pue, kahungku-hungkuami kamaiana Pue Yesu au karombelana. Ina maike Nahorema hangko i dunia au kadake ide.

1 Yohane 2:18

Anangku, barapi mahae kahopoa dunia ide ina hawemi. Hai ina hawe hadua Tomampoiwali Kerisitu, nodo au paka rapaturoakau. Hai ide-ide hawemohe bosa tauna au mampoiwali Kerisitu. Ido hai tongawa mpuu kaina hawenami kahopoa dunia.

1 Korintu 9:10

ba ikitari au Natunggai i lalu ngkora pandiri iti? Manoto apa au teuki hangkoia iti kana wori irikita. Tauna au mobago hangangaa molambi kiranda hangko i wua pobagonda. Tauna au mowia ba au mombau, mobagohe lawi raharunga kaina molambinda kiranda hangko i wua pobagonda.

Pilipi 4:5

Kuharunga ope-ope tauna ina moita kamaroana lalumi. Nikatuinao, barapi mahae Pue ina hawemi.

Roma 4:23

Au teuki iti, bara pea kana i Burahima.

Ibarani 10:25

Ineeke mokaraohi pogulu-gulu i lalu penomba, nodo au rababehi tauna ntanina, agaiana hangangaa hirampu liliuke menomba bona peisake mombepakaroho mpolalu, pelumbunami i tempo ide, lawi taisa barapi mahae Pue ina hawemi.

Ibarani 10:37

Barapi mahae, ina tepabukei Ngkorana Pue Ala au manguli: “Au ina mai batena mai, KahaweNa bara ina molia-lia.

1 Korintu 7:29

Halalu, tunggaiaku node: ikita to Sarani, hangangaa takatuinao kadanapi ngkaia tempota i dunia ide. Ido hai kuuli, mepongka ide-ide, ikamu au motambimokau, inee nipaioru potambimi. Batena bagona Pue au hangangaa tapaioru.

Matiu 13:39

Iwali au mohawu dana, iami Datu Tokadake. Tempo pepare, lempona alo pebotusi i kahopoa dunia. Hai topepare, lempona malaeka.

Matiu 13:40

Nodo dana ragulu hai rahuwe, nodo wori tauna au kadake ina rahuku i alo pebotusi.

Roma 13:12

Tempo kaindi ide ina liumi, hai ina mabaami. Ido hai hangangaa tatende babehia au makaindi hai tapake parewa pombeala au mewangka.

1 Korintu 10:6

Ope-ope au mewali i to Yahudi hangkoia mobundu irikita ide-ide, lawi talambi paturo hangko i katuwonda datike mobabehi apa au kadake nodo ihira.

Galatia 4:24

Tuntukana iti peisa mewali ngkora pandiri irikita. Towawine au rodua iti lempona rompaka dandi au nawei Pue Ala i manusia: dandi au hampaka mokanai Aturana Musa; hai dandi au hampakana iami dandi au nawei Pue Ala i Burahima. Ope-ope tauna au mampeulai Aturana Musa, katuwonda nodohe katuwo hawi, lawi mengkoruhe i Aturana Musa.