เซคารียา 9:15 - Northern Pwo Karen Thai Bible

¹⁵ กแช่ยาเว ซึ้คู ดูทึชองทึ ม ยู่แคว่แฌแซกต้างทะ อ ซื๊งเว๊ ดี๊ อ เว๊ ม แม้ เซงทื่งเฌ๊ฌ้อง, ดี๊ ไย่ล้าง โพล้ง ค้ะโก๊ง ซี ดี๊ ม โอ้ เว๊ อ ซวีง ด้องซุ้ ไซ้ะ ซไบ้ะแซ ที๊ง ดี๊ มกึ้มฆวี้ บี่ซุ้ดี๊ โท๊กีง แบโจแบอืง บี่ซุ้ดี๊ ทลื่งล่าง อ โนง

เซคารียา 9:15 교차 참조

โยบา 41:28

คลีงแช ดึ้เกม๊า อ ไจไฆวะ ลซีแบ โล่งโก๊งแช นอ, เกทางก้ะ โล่ทุ้

ทอางปฆ้า 78:65

ฌ้อง นอ ทอดูทึโท๊ทึ กแช่แยว้, นางทาง อ ซ้ะ, ด้องซุ้ มี๊งเฌ้เทิง ด้องซุ้ โพล้งดึ้ซึ้เท่อพู ซองลี้ เท่อ ลู่ง ไซ้ะ ซไบ้ะแซ ที๊ง อกย้อง

ทไจทางไฆวะ 27:2

แม้นี่ อ โน้ง ไต้ะทาง-อ้ะ ลู่ง อ โนง ล้อง ลี่ง โนง เลา, เกม๊า อ บึ้เบง โละซ้ะ ดี๊ ทล่าง นอ, ดี๊ เกม๊า กล้ะไบ้ะ-อ้ะ ดี๊ ท่องบ้าง

ซาโลโมอแท๊ 1:4

อวีงซ้ะชู้ ลี้ฌ้า แย้, เกม๊า ก ปชื่ง ลี้-อ้ะ กจุ้แฆว้ นี่ ลี้ฌ้า แย้ ลู่ง อ ทล่าง พ้ะเล่ พ้า ก ม เฌ้เทิงลี่ง ดี๊ ซ้ะอวีงซ้ะโทะ ลู่ง น อกย้อง ก ม ช๊องมอง นางแบ น ทเอทกวี้ง, ท่อง อ แอเละ ไซ้ะ ซไบ้ะแซ ที๊ง ได้ะ พี่ อ ซื๊งเว๊ ซีง ลแพ เอ แน้ นอ เกิ้ง เย้า

ซาโลโมอแท๊ 5:1

จ พื่ง-เอ้อ, จ เม้ากแช่ มืง-เอ้อ จ เฌ๊ฆ้าง ลู่ง จ โซ๊ง พ้า เย้า ฮ้อ จ เฌ๊ แม้ นี่ จ โม๊เย้าะ ล พ๊า ฆ่าง ดี๊ จ ทน๊าม๊า เย้า จ อาง จ นี๊โด้ง ดี๊ จ นี๊จ้าง เย้า จ โอ้ จ ไซ้ะ ซไบ้ะ แซ ที๊ง ดี๊ นู่ง ที๊ง เย้า โอ้, ฌุ้เม้งฌุ้พาง-เอ้อ, เกม๊า อาง เท่อ ดี๊ โอ้ เท่อ แดเทา เกม๊า โอ้ ท่อง เฆว๊เฌ้าเฆว๊ซ้ะ ไช้ะ, กู่ง เอ โละ ซ้ะ-เอ้อ

ซาโลโมอแท๊ 7:9

ดี๊ เกม๊า น แคทะ บี่ซุ้ดี๊ ไซ้ะ ซไบ้ะแซ ที๊ง ลู่ง อ ฌี้ ทึ เกม๊า ไซ้ะ ซไบ้ะแซ ที๊ง แยว้ล้าง ลี้ฌูง โพล้ง พี่ จ เอ-อ้ะ แยว้ล้าง โพะ นุ้เฌะ ไท้ะ ดี๊ แซว๊ อเช้าอช้า

อีซยา 37:35

‘ดี๊ ก ม ปโล่ปด้างทะ เว่ง อี้ง, บี่ซุ้ เกม๊า อ พ้องพลิ้, บี่ซุ้ ลู่ง ก กแช่ อ ฌ่าง แด เว๊, ดี๊ ลู่ง ก เพล่ ดาเว อ ฌ่าง ล้อ’, ”

อีซยา 55:1

โอ้, โพล้ง กุ้แฌ้ พี่ ซู๊โอ้ซ้ะ เท่อ เกม๊า เฌ๊ ลู่ง ที๊ง ดี๊ โพล้ง พี่ อ จี้ ล โอ แบ เกม๊า เฌ๊ อางฆื๊ง ฆวี้ เท่อ, ดี๊ อาง เท่อ เกม๊า เฌ๊ ฆวี้ ไซ้ะ ซไบ้ะที๊ง, ดี๊ นู่งที๊ง พี่ ล แบ เลา จี้, ดี๊ เลา อลื่งอฆวี้ แบ

เลวี​อ​ไฌ่ 4:18

ดี๊ โพล้งลื่งเท่ออคู ม แม้นี่ ทซู ล ปี๊, เท้า ทลื่งล่าง อ โน้ง ล้อง, พี่ โอ ลู่ง เด้ทโอซยองอล่าง พ้า นอ, ลู่ง กแช่ยาเว อ เมะแซ พ้า, เมะ ทซวีง พี่ อ ล้างลื๊อ โอก้ะ นอ, อ เว๊ ม ลู๊งล้าง เว๊ ลู่ง ทลื่งล่างเช้าทพูแฆ่น๊างดื้ง อ คางไท้ะ, พี่ โอ เด้ ทโอซยอง ล่าง อ เกล้ ป้ะตู๊งไท้ะ นอ

เลวี​อ​ไฌ่ 4:25

โพล้งลื่งเท่ออคู ม จูงล้าง อ จูงโน้ง ลู่ง ทลื่งทางแพล่ไฆวะทเด้บ้ะ อ ซวีง พ้า ล น้าง, ลี้ เท้า ทลื่งล่างเช้าทพูแฆ่น๊างดื้ง อ โน้ง ล้อง, ดี๊ ทซวีง พี่ ล้างลื๊อ โอก้ะ นอ, ลู๊งล้าง เว๊ ลู่ง ทลื่งล่างเช้าทพูแฆ่น๊างดื้ง อ คางไท้ะ

เลวี​อ​ไฌ่ 4:7

ดี๊ โพล้งลื่งเท่ออคู ม แม้นี่ ทซวีง นอ ล ปี๊, เท้า ทลื่งล่าง เช้า ทน๊าม๊า อ โน้ง ล้อง, พี่ อ โอ ลู่ง เด้ทโอซยองอล่าง พ้า, ลู่ง กแช่ยาเว อ เมะแซ พ้า, เมะ งู้ ซวีง พี่ อ ล้างลื๊อ โอก้ะ นอ, อ เว๊ ม ลู๊งล้าง เว๊ ลู่ง ทลื่งล่างเช้าทพูแฆ่น๊างดื้ง อ คางไท้ะ, พี่ อ โอ ลู่ง เด้ ทโอซยอง ล่าง อ เกล้ ป้ะตู๊งไท้ะ นอ

มีคา 5:8

ดี๊ ยาคุ้ อ โพล้ง พี่ โอ ล้างลื๊อ ก้ะ นอ, ม โอ ลู่ง โพล้ง กุ้ชื้อกุ้ชะ อซุ้อแกล้ พ้า ลู่ง โพล้ง กุ้ชื้อกุ้ชะ แอฌี่งแอฌ้อง อซุ้อแกล้ ด้องซุ้ คี๊ยื่ง, โอ ลู่ง ทพูแฆ่ เม้ง น๊างมู๊ง อซุ้อแกล้ ด้องซุ้ คี๊ยื่ง แพ๊, โอ ลู่ง แมะ แกะ น๊างมู๊ง อซุ้อแกล้ พี่ อ ลี้แพ๊ แบ เว๊ นอ, อ ไย่เละค๊างพะ เว๊ ดี๊ ซย๊างยะไฆวะ เว๊, โพล้ง ล โอ แม้พ้องพลิ้ -อ้ะ น่างแฌ้ แบ

เซคารียา 10:5

โอซยอง โละซ้ะ นอ, อ ซื๊งเว๊ ม เก ด้องซุ้ โพล้ง แคว๊ ไฌ่ชองแบ้ชอง ลู่ง ทดึ้ทชาง พ้า ไย่เละค๊างพะ อดีงอแด้ ลี้ กไพะ พ้า ลู่ง เกล้ อ ซื๊งเว๊ ม ดึ้ซึ้ เท่อ, เมะเว๊ กแช่ยาเว โอ ดี๊-อ้ะ อ เว๊ ม ดึ้ เกม๊า ซึ้พู เทา กซี ฌางแช้ฌางเด

เซคารียา 10:7

ฌ้อง เอฟาอีง ม เก บี่ซุ้ดี๊ โพล้ง แคว๊ ไฌ่ชองแบ้ชอง ดี๊ อ ซื๊งเว๊ อเซิงอซ้ะ ม ซ้ะอวีงซ้ะโทะ, บี่ซุ้ดี๊ นี่ โอ้ ไซ้ะ ซไบ้ะแซ ที๊ง อ เว๊ อ พู อ ลี้ง ม แด แบ เว๊, ดี๊ เซิงมึซ้ะมึ ดี๊ อ เว๊ อ ซ้ะ ม มึ ดี๊ กแช่ยาเว ดูมะ

เซคารียา 12:6

“ล นี้ง แย๊ นอ, ก ม ดึ้ เกม๊า ยูดา ล ดองๆ, ลแพ นอ อคูอแน่, เก บี่ซุ้ดี๊ พ้า คู่เล้า โฌ้ โอ เซงมื่ง อ โป้ง พ้า, บี่ซุ้ดี๊ โซย๊เค้ โอ บืงโพ่ แกล้, ดี๊ ม อาง เฌ๊ฌ้องไฆวะ โพล้ง กุ้ชื้อ พี่ โอ พ้องวะ ลี้ ลู่ง อ ฆุ้ ล โค๊, ดี๊ ลี้ ลู่ง อ จี ล โค๊ นอ, เมะ เยรูซเลง นอ, โพล้ง ม โอ เปิ่งโอเปิ่งช๊อง เว๊ ลู่ง อ ล่างๆ, พ้า นอ ล้อ, เมะเว๊ เยรูซเลง พ้า

เซคารียา 12:8

ล นี้ง แย๊ นอ, กแช่ยาเว ม ยู่ทะแคว่ทะ โพล้ง เยรูซเลง, บี่ซุ้ เว๊ โพล้ง พี่ อเพาอแช่ ทึ ลู่ง อซุ้อแกล้ พ้า, ล นี้ง แย๊ นอ, ม เก บี่ซุ้ดี๊ ดาเว, ดี๊ ดาเว อชื้ออชะ ม เก บี่ซุ้ดี๊ กแช่แยว้, บี่ซุ้ดี๊ กแช่ยาเว อ เพล่ มุ้คูพู ลี้วี่ง ลู่ง อ ซื๊งเว๊ ซีง ลแพ อ เมะแซ พ้า

เซคารียา 14:20

ดี๊ ล นี้ง แย๊ นอ, เฆว้งแซ พี่ จ้าทาง กซี อ ล้อง ม โอ ดี๊ ท กวิ้ล้าง ทไคล้ บี่อี้ง, “เช๊งเกล้ง เอะ กแช่ยาเว”, ดี๊ พ้า แกย้ ทอาง พี่ โอ เด้กแช่ยาเวอล่างโอ พ้า นอ, ม เก บี่ซุ้ดี๊ โท๊กีง พี่ โอ ทลื่งล่าง อ เมะแซ พ้า นอ ล้อ

เซคารียา 14:3

ฌ้อง กแช่ยาเว ม ไจทาง ดึ้ซึ้ โละซ้ะ ดี๊ โพล้ง กุ้ชื้อกุ้ชะ ลแพ นอ, บี่ซุ้ดี๊ พี่ ดึ้ซึ้ ลู่ง ทดึ้ทชาง อ มื่งนี้ง พ้า

เซคารียา 2:9

อี้งเซ้อ, ก ม ทูว้ะ ก จูง ลู่ง อ ซื๊งเว๊ อ คูด้าง, ดี๊ อ เว๊ ม เก ท พี่ อ แบ ท ตมละ เอะ อ ฆ่อง แด เว๊ ล้อ, ‘ฌ้อง น ม ซีงแฌ๊ -อ้ะ กแช่ยาเว ซึ้คู ดูทึชองทึ เจ่ทาง แย้ เฌ๊’

เซคารียา 9:17

เอ้อ นอ, ฌี้ มะ ดี๊ ฌี้ แอว้ เต้ๆ บืงซ้ะ ม ดึ้ เกม๊า โพล้ง น่างบางซ้ะบาง ดูทางโท๊ทาง ดี๊ ไซ้ะ ซไบ้ะแซ ที๊ง, ม ดึ้ เกม๊า มืงน้าง ดูทางโท๊ทาง ล้อ

1​โคเรง 1:18

โพล้ง พี่ ม เซงทื่งเฌ๊ฌ้อง นอ, ช๊องมอง เว๊ กแช่ เยซู คริ้ ซี๊ง ลู่ง เซง ป้างกิ้ อ ล้อง เก ท ล กลุ้ ล จ้ะ แบ, แบเด้าะ ก เว๊ แด พี่ ก ม พ้อง ม พลิ้ นอ, ก แด เว๊ เก เท่อ ลู่ง กแช่ แยว้ ปล้ะ ล้าง อ ดู้ง อ ยาง

เอเฟโซ 5:18

ม้า ไซ้ะ ล ฌี้, อ นอ ม แม้ เฌ๊ฌ้อง น ซื๊ง ล้อ, แบเด้าะ เกม๊า วีง ฌี้ แล้ แอว้ โอ ล๊า โอ ฆวี้ ลู่ง น ซื๊ง ซ้ะ พ้า

1ซามูเอง 17:45

ฌ้อง ดาเว ไคล้ ดี๊ โพล้ง ฟีลีเตีย ล แฌ้ นอ ไจ้ะเว๊, “น เฌ๊ฌูง แย้ ดี๊ น้ะ, ดี๊ พ้าง, ดี๊ พ้าง พู, แบเด้าะ ยี๊แด จ เฌ๊ฌูง แน้, ลู่ง กแช่ยาเว ซึ้คู ดู ทึ ล แฌ้ นอ อ เม้ง อ แซ, เมะเว๊ กแช่แยว้ พี่ เก โพล้ง อีซลาเอง อ ซึ้พูมู๊ง อ กแช่, พี่ น อางแท้นี่-อ้ะ ล แฌ้ นอ