15 ล นี้ง แย๊ นอ, ก โอทางซ้ะ อ ซ๊าง บี่อี้ง, ม แม้ ทฌี้ เอะ เยรูซเลง, ดี๊ ยูดา อชื้ออชะ, ซ้ะเม ล ฌี้ เฆาะ
ดี๊ พี่ ก โอคุ้แคว่ดุ้-อ้ะ, บี่ซุ้ ม ทิ้ทางไฆวะ, แม้ ล้างฆ่อง, เคลิ่งล้างไฆวะ, แม้ เฌ๊ฌ้อง, ดี๊ ดึ้ เกม๊า ท กึทาง อ ซ้ะ ลู่ง ออ้าอซ๊าง เฌ๊ บี่จะเล้ นอ, ก ม โอคุ้แคว่ดุ้-อ้ะ, บี่ซุ้ ม ไต้ทาง-อ้ะ, เซิงล้าง บี่นอ ล้อ”, กแช่ยาเว โล้ เว๊ บี่อี้ง ล้อ
เมะเว๊ กแช่ยาเว ไจ้ะเว๊ บี่อี้ง, “ด้องซุ้ พี่ ก นี่ ดึ้ เกม๊า ทอ้าทซ๊าง น้ะทึ เฌ๊ ล้างแบ โพล้ง ล ชื้อ อี้ง นอ, ก ม ดึ้ เกม๊า ทฌี้ทแอว้ กุ้เม้ง พี่ ก นี่ เอิ้งล้าง-อ้ะ นอ, เฌ๊ ล้างแบ-อ้ะ บี่นอ ปะ ล้อ
บี่ซุ้ดี๊ ทเอิ้งล้าง พี่ ก แม้ -อ้ะ ดี๊ น ซื๊ง, พี่ น ซื๊ง ไจทางไฆวะ อีไย้ะ พ้า อู้ง ดี๊ กวีงกแล้ โอ ลู่ง น ซื๊ง อซุ้อแกล้ พ้า, ซ้ะเม ล ฌี้ เฆาะ
โอ้, ยูดา อชื้ออชะ, ดี๊ อีซลาเอง อชื้ออชะ-เอ้อ, น แบ ท เจ่ เก ทชูอ้า ลู่ง โพล้ง กุ้ชื้อกุ้ชะ ซีง ลแพ อซุ้อแกล้ พ้า บี่จะเล้ นอ, ก ม แม้ช้า แน้, ดี๊ น ม นี่ เก ทชูฌี้ชูแอว้ อ ล่าง บี่นอ ล้อ, ซ้ะเม ล ฌี้ เฆาะ, แบเด้าะ เกม๊า น จูง ชองไคล๊ แดเทา
พู ซีง ลี้ง ซีง-เอ้อ ซ้ะเม เท่อ ล ฌี้, อ ไฌ่ บี่ อี้ง น แพ่ แยว้ อางกี ล้าง อ ซ้ะ ม เกล๊าง เอะ น ซื๊ง อ มื่ง อ บ้าง เย้า
