เซคารียา 10:7 - Northern Pwo Karen Thai Bible

⁷ ฌ้อง เอฟาอีง ม เก บี่ซุ้ดี๊ โพล้ง แคว๊ ไฌ่ชองแบ้ชอง ดี๊ อ ซื๊งเว๊ อเซิงอซ้ะ ม ซ้ะอวีงซ้ะโทะ, บี่ซุ้ดี๊ นี่ โอ้ ไซ้ะ ซไบ้ะแซ ที๊ง อ เว๊ อ พู อ ลี้ง ม แด แบ เว๊, ดี๊ เซิงมึซ้ะมึ ดี๊ อ เว๊ อ ซ้ะ ม มึ ดี๊ กแช่ยาเว ดูมะ

เซคารียา 10:7 교차 참조

ทอคางไท้ะ 18:19

เมะเว๊ ก อางลึ นี่-อ้ะ เย้า, บี่ซุ้ อ เว๊ ม อางแบเลา อ พู อ ลี้ง, ดี๊ อ เด้าคูล่างพ้า พี่ อ เฌ๊ กึทางก้ะ ลู่ง ไค๊ ล ว๊าง นอ, เกม๊า อ แฌแซกต้าง กแช่ยาเว อ เกล้, เกม๊า อ แม้ ทแบกแช่แยว้อซ้ะ, ดี๊ แม้ ท อเกิ้งอแบ, บี่ซุ้ กแช่ยาเว ม เกล๊าง เอะ อาบราฮาง อ เท่อ, บี่ซุ้ดี๊ อ ท โล้ เว้ เอะ-อ้ะ นอ ล้อ”

ทอคางไท้ะ 43:34

ฌ้อง ทอาง พี่ โอ โยซิ้ อ เมะแซ พ้า นอ, แบ ท โซ๊ง เอะ อ พื่ง อ วี่ง ลแพ นอ ล้อ, แบเด้าะ ท พี่ อ เกล๊าง เอะ เบงยามีง นอ, แอเละ อ โจ้ ซีง ลแพ เว๊ เย่ โทะ, อซื๊งเว๊ อาง ซกุ้ โอ้ ซกุ้ เท่อ ดี๊ โยซิ้ นอ ล้อ

ทอางปฆ้า 102:28

กเย่ กแช่แยว้ อ เพล่ อพูอลี้ง นอ, ม โอเฌิ่งโอค๊า ดี๊ อชื๊งเว๊ อชื้ออชะ, ม นี่แบ ทไต้ต๊างทาง, ลู่ง กแช่แยว้ อ เมะแซ พ้า ล้อ

ทอางปฆ้า 104:15

ดี๊ ไซ้ะซไบ้ะแซ ที๊ง, พี่ เกม๊า กโพล้ง อ เซิงมึซ้ะมึ ทซู, บี่ซุ้ ดึ้เกม๊า เว๊ อ เมะ พ้างล้าง ดี๊ ทอาง, พี่ แม้ชองทาง กโพล้ง อ ซ้ะ

ทอางปฆ้า 13:5

แบเด้าะ จ อางกีล้างซ้ะ ดี๊ กแช่แยว้ อ ทเอทกวี้ง, พี่ อเฌิ่งอค๊า จเซิงจซ้ะ ม ซ้ะอวีงซ้ะโทะ เท่อ, ลู่ง กแช่แยว้ อ ทแม้พ้องพลิ้ พ้า

ทอางปฆ้า 28:7

กแช่ยาเว เก จไฌ่จแบ้, ดี๊ เก จ นางปด้าง จ อางกีล้างซ้ะ ดี๊ กแช่แยว้ จ นี่แบ ทยู่แคว่แม้ช้า, ดี๊ จเซิงจซ้ะ นอ, ซ้ะอวีงซ้ะโทะ เท่อ ดูมะ จ ม ไจ้ะบลึ้ กแช่แยว้ ดี๊ จ แท๊ซ้ะอวีง

ทอางปฆ้า 33:21

เมะเว๊ เฆ้อ ซีงลแพ, กซ้ะมึ ดี๊ กแช่แยว้ เมะเว๊ ก อางกีล้าง ก ซ้ะ, ลู่ง กแช่แยว้ อเม้งอแซ, พี่ อฌี้อแอว้ นอ อ พ้า

ทอางปฆ้า 90:16

เกม๊า กแช่แยว้ อ ทไพ้ะทแม้, โพลทาง เอะ กเย่ นเพล่นบาง ลแพ นอ ไช้ะ ดี๊ เกม๊า กแช่แยว้, อ ทฆี๊งฌี้แล้ฌี้, โพลทาง เอะ อซื๊งเว๊ อพูอลี้ง ไช้ะ

อีซยา 25:9

ดี๊ ล นี้ง แย๊ นอ, อ เว๊ ม โล้ โละ อ ซ้ะ บี่อี้ง “แคว่เซ้อ, อ อี้ง เมะเว๊ ก กแช่แยว้, ก โอคุ้แท๊ กแช่แยว้, บี่ซุ้ กแช่แยว้ ม แม้พ้องพลิ้ เฆ้อ อ อี้ง เมะเว๊ กแช่ยาเว, ก โอคุ้แท๊ กแช่แยว้ เกม๊า ก ซ้ะมึ ดี๊ ซ้ะโทะ เฌ๊นี่ ลู่ง กแช่แยว้ อ ทพ้องทพลิ้ พ้า”

อีซยา 38:19

โพล้ง โอม๊า, โพล้ง โอม๊า, อ เว๊ ไจ้ะบลึ้ กแช่แยว้ บี่ซุ้ดี๊ พี่ จ แม้ ล ว๊าง แย๊ อี้ง แพ่ ม โล้ เอะ พู ซีง ลแพ เกม๊า อ ซีงแฌ๊ แบฆ้ะ ดี๊ กแช่แยว้ อ ทโต้ทล้อง

อีซยา 54:13

น พู กุ้ แฌ้ นอ, ม นี่แบ ทซองทซ๊าง ดี๊ กแช่ยาเว ดี๊ น พู ลแพ นอ, ม โอ ดี๊ ทมึทพ้า ดู มะ

อีซยา 66:14

น ซื๊ง ม แด แบ เท่อ, ฌ้อง น ม ซ้ะอวีงซ้ะโทะ เท่อ น ฆีง ม เซิงฆวี๊งซ้ะคล้าง บี่ซุ้ดี๊ นางบาง โพล้ง ม ซีงแฌ๊ โละซ้ะ บี่อี้ง, กแช่ยาเว อ จูง โอ ดี๊ อเพล่อบาง ดี๊ อ ซ้ะทาง ดี๊ อดีงอแด้

เยเรมี 32:39

ก ม เกม๊า เอะ-อ้ะ ซ้ะ ล โพลง ดี๊ เกล้ ล บ้อง, บี่ซุ้ อ เว๊ ม ดู้งแบยางแบ เฆ้อ โอ ล้างชู้ล้างแกย, บี่ซุ้ เก ท ล้างเปิ่ง เอะ-อ้ะ, ดี๊ อ พู อ ลี้ง พี่ เฌ๊โพะ อ ไค๊

เอเซเคียง 37:25

อ ซื๊งเว๊ ลแพ นอ, ม เปิ่งโอเปิ่งช๊อง ลู่ง ที๊งล่างค่างพ้า, พี่ ก นี่ เกล๊าง เอะ ก เพล่ ยาคุ้, พี่ น ซื๊ง พี๊งชู้พู๊งชู้ ลู่ง แย๊ อู้ง ลแพ นอ เปิ่งโอเปิ่งช๊อง เว๊, อ ซื๊งเว๊ ดี๊ อ พู, เลา ดี๊ อ ลี้ง นอ, ม เปิ่งโอเปิ่งช๊อง พี่ นอ ล้างชู้ล้างแกย, ดี๊ ก เพล่ ดาเว ม เก เว๊ อคูอแน่ ล้างชู้ล้างแกย ล้อ

โยเอง 2:23

“โอ้, ซีโยง อ พู ลแพ ซีง-เอ้อ, เกม๊า เซิงมึซ้ะมึ แดเทา เกม๊า เซิงฆวี๊งซ้ะโย้ ดี๊ กแช่ยาเว น ซื๊ง อ กแช่แยว้ อไฌ่บี่อี้ง, กแช่แยว้ เกล๊าง เอะ แน้ ทเฌ๊ช้า, ลู่ง ทช้าล้าง ซ๊าง อ แค๊, บี่ซุ้ เนโพลทาง ทฌี้ทแอว้ ดี๊ ลู๊งล้าง เอะ น ซื๊ง ทเฌ๊ช้า เมะเว๊ ทเฌ๊ช้า ลู่ง ทช้าล้าง ซ๊าง อ แค๊, ดี๊ ทเฌ๊ช้า แอ ลู่ง อ แค๊ ทช้า เบ้า ม เลา, ด้องซุ้ ลู่ง อ พ้องไฆวะ นอ ล้อ

ฮาบากุ้ 3:18

ทึเมะ บี่ นอ ฌี้ นอ, จ ม เซิงฆวี๊งซ้ะโย้ ดี๊ กแช่ยาเว จ ม ซ้ะอวีงซ้ะโทะ ดี๊ กแช่แยว้ ลู่ง จ ทพ้องทพลิ้ พ้า

เซฟางยา 3:14

“โอ้, พูมืง ลู่ง ซีโยง-เอ้อ, เกม๊า ซ้ะอวีงแท๊ เซ๊ พ้ะดู โอ้, อีซลาเอง-เอ้อ, เกม๊า ซองลี้ แดเทา เกม๊า เซิงฆวี๊งซ้ะโย้, ดี๊ แม้มึอางอวีง เลา นเซิงนซ้ะ แดเทา, พูมืง ลู่ง เยรูซเลง

เซคารียา 12:8

ล นี้ง แย๊ นอ, กแช่ยาเว ม ยู่ทะแคว่ทะ โพล้ง เยรูซเลง, บี่ซุ้ เว๊ โพล้ง พี่ อเพาอแช่ ทึ ลู่ง อซุ้อแกล้ พ้า, ล นี้ง แย๊ นอ, ม เก บี่ซุ้ดี๊ ดาเว, ดี๊ ดาเว อชื้ออชะ ม เก บี่ซุ้ดี๊ กแช่แยว้, บี่ซุ้ดี๊ กแช่ยาเว อ เพล่ มุ้คูพู ลี้วี่ง ลู่ง อ ซื๊งเว๊ ซีง ลแพ อ เมะแซ พ้า

เซคารียา 9:15

กแช่ยาเว ซึ้คู ดูทึชองทึ ม ยู่แคว่แฌแซกต้างทะ อ ซื๊งเว๊ ดี๊ อ เว๊ ม แม้ เซงทื่งเฌ๊ฌ้อง, ดี๊ ไย่ล้าง โพล้ง ค้ะโก๊ง ซี ดี๊ ม โอ้ เว๊ อ ซวีง ด้องซุ้ ไซ้ะ ซไบ้ะแซ ที๊ง ดี๊ มกึ้มฆวี้ บี่ซุ้ดี๊ โท๊กีง แบโจแบอืง บี่ซุ้ดี๊ ทลื่งล่าง อ โนง

เซคารียา 9:17

เอ้อ นอ, ฌี้ มะ ดี๊ ฌี้ แอว้ เต้ๆ บืงซ้ะ ม ดึ้ เกม๊า โพล้ง น่างบางซ้ะบาง ดูทางโท๊ทาง ดี๊ ไซ้ะ ซไบ้ะแซ ที๊ง, ม ดึ้ เกม๊า มืงน้าง ดูทางโท๊ทาง ล้อ

ลูกา 1:47

จ โอ ฆวี้ ดี๊ ท ซ้ะอวีง ซ้ะโทะ ลู่ง กแช่ แยว้ แม้ พ้อง พลิ้ แย้

โยฮาง 16:22

น ซื๊ง เว๊ บี่ นอ ปะ, ค๊องเนง โย้ น ซื๊ง ซ้ะอึ้ เท่อ น้ะ มะ, แบเด้าะ จ ม แด น ซื๊ง ล พ๊า เด้าะ ฌ้อง น ม ซ้ะอวีง ซ้ะโทะ เท่อ ล้อ, ท ซ้ะอวีง ซ้ะโทะ ล เอ้า อี้ง นอ, โพล้ง ม ทึ้ ไฆวะ แด น ซื๊ง ล ซี น่าง แฌ้ แบ

ท​แม้ 2:26

ท บี่ นอ จ เซิงฆวี๊ง ซ้ะโย้ จ ไคล้ เท่อ ดี๊ ท ซ้ะอวีง ซ้ะโทะ ล้อ พี่ จ เก โพล้ง แบ ซี๊ง โคะ นอ ฌี้ จ ท มื้งแล่ โอ ได้ะ

ท​แม้ 2:39

อ ไฌ่ บี่ โย้ กแช่ แยว้ เอิ้งล้าง เว้ เอะ น ซื๊ง ดี๊ น พู น ลี้ง, ดี๊ โพล้ง โอ ลู่ง อ ไย้ อ โยะ ล มู๊ง นอ, เมะ เว๊ กเย่ โพล้ง พี่ กแช่ แยว้ กุ้ นี่ เว๊ เฌ๊ อ โอ นอ ล้อ”

ฟีลิ้ปี 4:4

เกม๊า น ซื๊ง ซ้ะอวีง ซ้ะโทะ ลู่ง กแช่ เยซู คริ้ อ ซุ้ ครึๆ, จ ม โล้ เอะ น ซื๊ง ล พ๊า เด้าะ, เกม๊า น ซื๊ง ซ้ะอวีง ซ้ะโทะ ไช้ะ

1เปโต 1:8

ทึ เมะ น ซื๊ง ล แด กแช่ เยซู คริ้ น่าง ชุ้ แบ ฌี้ๆ, น เอ-อ้ะ ทึ เมะ ค๊องเนง อี้ง น ล แด-อ้ะ ได้ะ แบ ฌี้ๆ, น ชู่ง-อ้ะ นะ-อ้ะ ปะ, น ซ้ะอวีง ซ้ะโทะ ดู มะ ท่อง ท้อง น โล้ ทาง ซีง ล ซี แบ

1ซามูเอง 2:1

น่าง ฮางนา ชูแพ เท่อ ไจ้ะเว๊ “จ เซิงมึ ซ้ะมึ ลู่ง กแช่ยาเว อ ซุ้ ลู่ง กแช่ยาเว อ ซุ้ นอ, จ ไฌ่ชอง แบ้ชอง จ นุ้ นี่งแบ จ ดีง จ แด้ ซีงลแพ นอ เมะเว๊ จ เซิงมึซ้ะมึ ลู่ง น ทแม้พ้องพลิ้ อ กย้อง