8 กจุ้แฆว้ อ แม๊ โอ อ แฌ้ ฆู๊ง ชี๊ง, ดี๊ อ แม๊ พู อ แฌ้ โฆะ ชี๊ง ดี๊ มืงคูมืงน้าง แอฌี่งแอฌ้อง ได้ะ, ดว้ะ ล น้า แบ
กจุ้แฆว้ ซาโลโม เอ โพล้ง มืง พี่ อ เก โพล้ง ล ค่าง แด นอ ตบลึ้ แฌ้ ล เมะ ฆวี๊ กจุ้แฆว้ ค่าง อีไย้ะ อ พูมืง นอ ล แฌ้ แบ, อ เว๊ เอ โพล้ง ฮีไท มืง, โพล้ง โมอา มืง, โพล้ง อางโมง มืง, โพล้ง เอโดง มืง, ดี๊ โพล้ง ไซดอง มืง ปะ
ซาโลโม อ แม๊ พี่ อ ดู้ง ดู ยาง ดู โอ เนว๊ แย้ แฌ้, อ แม๊ พู นอ โอ ซ๊า แย้, กเย่ อ แม๊ ลแพ อี้ง นอ แกยไฆวะ ซาโลโม อ ซ้ะ
เรโฮโบอาง เอ อะซาโลง อ พูมืง น่าง มาอาคา แอเละ อ แม๊ ดู, ดี๊ อ แม๊ พู กุ้ อ แฌ้, (อ เว๊ อ แม๊ ดู โอ ชี๊ง โฆะ แฌ้, ดี๊ อ แม๊ พู โอ ฆู๊ง ชี๊ง แฌ้, ดี๊ อ พูแคว๊ โอ คี๊ง ชี๊ง โฆะ แฌ้, อ พูมืง โอ ฆู๊ง ชี๊ง แฌ้)
น แบ ท ลี้ฌ้า, ลี้ฆ้าง โอ กจุ้แฆว้, ซุ้ทางฆ้าโฆ่ ช้ะ กีงไก้ ดี๊ กเย่ เม้ากแช่ มืง อ ฌุ้พาง มืง, เมะเว๊ มืงน้าง เช๊งเกล้ง, พี่ โพะ อ ไค๊ นอ, แบ ทเฌ๊ฌ้า-อ้ะ, ลี้ฆ้าง โอ กจุ้แฆว้ ปะ
กจุ้แฆว้ ล แฌ้ ดี๊ ล แฌ้ อ พูมืง นอ, โอ ลู่ง กมืง พี่ อ คูดูโมะโท๊ ลแพ นอ อ แกล้ พ้า กจุ้แฆว้ อ แม๊ ไต้ทาง อ ซ้ะ ดี๊ ท๊อง ลู่ง เว่ง โอฟี, ชี๊เทิง ลู่ง กจุ้แฆว้ อ จูงฆุ้ ล โค๊
น ทซู น๊าม๊า นอ, น๊าม๊า อี้งอื้ง นเม้งนแซ น๊าม๊า, บี่ซุ้ดี๊ ทซู พี่ ลู๊งล้าง-อ้ะ อกย้องบี่นอ, มืงคูมืงน้าง เอ-อ้ะ
ท่อง อ ช๊าง นอ จ แด โพล้ง แอ ฌี่ง แอ ฌ้อง, ดว้ะ ล น้า แบ, โอ ลู่ง โพล้ง กุ้ ชื้อ กุ้ ชะ กุ้ ที๊ง กุ้ ค่าง เฌ๊, โพล้ง ล แพ นอ ซุ้ ไช๊แค่ แอว้ พ้ะโท๊, โชะ ดี๊ ท๊างแล ชี๊เทิง ลู่ง ท ล่าง ชี๊น้าง ยู่แคว่ เท่อ นอ อ เมะแซ พ้า, ดี๊ ลู่ง แกะ พู อ เมะแซ พ้า
