5 อวีงซ้ะชู้ แกยไฆวะ น เมะ ดี๊ แย้ ไช้ะ เมะเว๊ อ ดึ้ เกม๊า จ ซ้ะ ว้ะโทะ น คูซู๊ง ด้องซุ้ แมะ น๊างมู๊ง พี่ อ เฌ๊ เละ ล้าง อ ซ้ะ ลู่ง ทลู่ง กีเลอา อ จ้องคู
ค๊องเนง อี้ง เกม๊า น แม้ โอโท๊ แย้ ล ฌี้ บี่ซุ้ จ ทซ้ะทาง พ้ะดู ม ละเพา ซยุ้ทาง แบ อซื๊งเว๊, ดี๊ บี่ซุ้ จ ม แม้ เฌ๊ฌ้องไฆวะ อ ซื๊งเว๊ ซีง เฆาะ, เมะ นี๊แด นอ จ ม เกม๊า น เก โพล้ง พ้ะดู ล ชื้อ นอ ล้อ”
น แซว๊ ด้องซุ้ แกะ มู่ น๊างมู๊ง พู่ เฌ๊ไท้ ทาง นี่ ลู่ง ท ซฌ้ะ เช๊ง อ พู โอไฆะ เฌ๊ไท้ กุ้ อ ดื้ง ล ล้างเล้า น่าง ดื้ง แบ
กแช่ยาเว ไคล้ ดี๊ แย้ บี่อี้ง, “ทึเมะ โมเซ ดี๊ ซามูเอง นอ, ม เฌ๊ ชี๊เทิง โอ ลู่ง ก เมะแซ พ้า, กเซิงกซ้ะ ม แกย อ ซ้ะ ลี้ฌูง โพล้ง ล ชื้อ อี้ง แบ, โฌ๊ ไจทางไฆวะ อ ซื๊งเว๊ ลแพ นอ, เกม๊า พ้องไฆวะ ดี๊ กเมะกแน๊, ฌ้อง นอ เกม๊า อ ลี้
