21 ม โอ โคะ ล นี้ง, พี่ กแช่ แยว้ ม แม้ พ้อง พลิ้ กเย่ เท่อ ลู่ง อ ไต้ ล้าง เว๊ นอ, บี่ ซุ้ ล ล้างอืง ล้างแกล ล้า แบ, ดี๊ ม นี่ แบ ฆึ กแช่ แยว้ อ พู อ ลี้ง อ ท พ้อง ท พลิ้ ลู่ง อ ฆี๊ง อ แล้
ค๊องเนง อี้ง นอ กแช่ เยซู แบ โอ ท มุ้คู ท้อง อ มื่ง กแช่ แยว้ แม้ ฌี้ ไท้ เท่อ อ ซ๊าง ล นี้ง โคะ, บี่ ซุ้ กแช่ แยว้ เกม๊า โม ฌี้ โม แอว้ โล้ เว้ เว๊ ลู่ง อ ไยะ อ เช้ นอ ล้อ
อ ไฌ่ บี่ อี้ง ท กุ้ อ เม้ง พี่ กแช่ แยว้ ไต้ ล้าง เว๊ อี้ง เฌาโละ คุ้แท๊ เท่อ, แบ ซ้ะ เกม๊า กแช่ แยว้ เนโพล ทาง อ พู อ ลี้ง
ท บี่ นอ กแช่ แยว้ กุ้ นี่ โพล้ง พี่ อ แม้ไน เว๊ เย้า, ดี๊ เกม๊า โพล้ง พี่ อ กุ้ นี่ เว๊ ล แพ นอ แบ อ ซ้ะ, ดี๊ เกม๊า โพล้ง พี่ อ เว๊ เกม๊า อ แบ อ ซ้ะ นอ, นี่ แบ ฆึ ท อ ฆี๊ง อ แล้ อ โฌ่ง อ พ้าง ดี๊-อ้ะ
โพล้ง พี่ อ ซี๊ง เย้า ม๊า ทาง ไท้ แม้ อ ซ้ะ บี่ นอ ปะ, เค่งฌ้าง พี่ แบ ท เคิง ล้างบ้า-อ้ะ นอ, บี่ ซุ้ ดี๊ เซิง ล้าง ท คลี๊ง ท แซ, ม ล้างอืง ล้างอ้อง เว๊, แบเด้าะ เท่อ พี่ กแช่ แยว้ แม้ ม๊า ทาง ไท้ เว๊ นอ, ล ล้างอืง ล้างอ้อง ล้า แบ
พี่ อ ไจ้ะ เว๊, “ล พ๊า เด้าะ โคะ นอ”, อ นอ เนโพล ทาง เว๊ เท่อ พี่ กแช่ แยว้ ไต้ ล้าง เว๊ นอ, ม แบ ท แม้ ว้ะ-อ้ะ ดี๊ ม แบ ท แม้ ไฆวะ-อ้ะ, บี่ ซุ้ เท่อ พี่ อ ว้ะ ล นี่ แบ ล แพ นอ ม โอก้ะ ครึๆ, ล้อ
แบเด้าะ ก โอ แคว่แล่ เท่อ พี่ กแช่ แยว้ เอิ้งล้าง เว้ เว๊ ม เกล๊าง เอะ เฆ้อ, เมะ เว๊ มุ้คู ดี๊ ฌางคู โคล๊ง คู อ ซ๊าง, อ นอ เก ท ล่าง พี่ ม โอ ดี๊ เท่อ ลู่ง อ แบ กแช่ แยว้ อ ซ้ะ
ท่อง อ ช๊าง จ แด แบ มุ้คู ดี๊ ฌางคู โคล๊ง คู อ ซ๊าง, เมะ มุ้คู ฌางคู อ ล่างลี้ง นอ ล้างแม่ ไฆวะ เลา ปะ เย้า, ดี๊ ปางเล ล โอ ล้า แบ
