12 ท เด้บ้ะ เฌ๊ นึ ล้าง ลู่ง ฌางคู โคล๊ง คู ลู่ง กแคว๊ ล แฌ้ ล้อ อ กย้อง, ดี๊ ท ซี๊ง เฌ๊ เว๊ ลู่ง ท เด้บ้ะ อ กย้อง, ท บี่ นอ ท ซี๊ง โอ ทาง เฆ้ง กโพล้ง อ แกล้, อ ไฌ่ บี่ อี้ง กโพล้ง กุ้ อ แฌ้ แม้ ท เด้บ้ะ
แบเด้าะ เซง ซีงแฌ๊ ท อ ฌี้, ดี๊ ท อ อ้า ล เทิง นอ, อาง อ แซ ล ฌี้, เมะเว๊ พี่ ล นี้ง เล้ น อาง-อ้ะ นอ, น ม ซี๊ง เต้ๆ, ล้อ”
น ม แบ อางฆื๊งอาง เท่อ ดี๊ คูซวี๊งคูพ้า ท้อง ลู่ง น ไท้เกไท้ ฌางคู เมะเว๊ น แบ ท แม้นี่ ดี๊ ฌางคู ดี๊ เป๊งนี่ น เก ฌางคู มูง ดี๊ น ม เกไท้ ฌางคู มูง บี่ซุ้ ไท้ อ ล่าง นอ ล้อ”
ท่อง กมืง นอ, แด เว๊ เซง นอ ฌี้, ล้าง อาง, เลา ดี๊ เก เซง พี่ ล้าง แบเซิงแบซ้ะ, พี่ ดึ้ เกม๊า ทโกงซีมองแบ กึทาง, อกย้องบี่นอ, อ เว๊ แม้นี่ เซง อ แซ นอ อาง เว๊, ฌ้อง เนฆ้าง เกม๊า อ แว้ พี่ โอ ดี๊-อ้ะ นอ, อาง ปะ, อ เว๊ อาง เว๊ เฆาะ
เต้ๆ, นอ, จ เฌ๊ กึทางนี่ ลู่ง ทอ้าทซ๊าง พ้า ดี๊ จ เก โพล้ง ทเด้บ้ะ, ล โค๊ลู่ง โอ มู่ อ อ้อง พ้า เละ เย้า
อี้งเซ้อ, ทม๊า เลาพะ นอ เก ก เท่อ, แพ่ อ ทม๊า เก ก เท่อ, ด้องซุ้ พี่ พู อ ทม๊า นอ เก ก เท่อ, ทม๊า พี่ แฌ้ เล้ พี่ แม้ ทเด้บ้ะ นอ, ม แบ ซี๊ง ล้อ
อ ไฌ่ บี่ อี้ง โพล้ง กุ้ อ แฌ้ แม้ ท เด้บ้ะ, ล คลึ้ นี่ กแช่ แยว้ อ ฆี๊ง อ แล้ แบ
ลู่ง โพล้ง ล แฌ้ ล้อ อ ท เด้บ้ะ, เกม๊า กโพล้ง กุ้ อ แฌ้ แบ ท ไคล้ ล้าง อ เตา อ แต๊ บี่ จะ เล้ นอ, โพล้ง ล แฌ้ ล้อ อ ท ไพ้ะ ท แม้ ลู่ง อ เกิ้ง อ แบ เกม๊า กโพล้ง กุ้ อ แฌ้ พ้อง พลิ้, ดี๊ เกม๊า โอ ดี๊ ท ม๊า บี่ นอ ปะ ล้อ
ลู่ง โพล้ง ล แฌ้ ล้อ ล ชู่ง กแช่ แยว้ แบ, เกม๊า โพล้ง แอ ฌี่ง แอ ฌ้อง เก โพล้ง ท เด้บ้ะ บี่ จะ เล้ นอ, โพล้ง ล แฌ้ ล้อ ชู่ง กแช่ แยว้ นอ, เกม๊า โพล้ง แอ ฌี่ง แอ ฌ้อง แบ โละ ซ้ะ ดี๊ กแช่ แยว้ บี่ นอ ล้อ
ลู่ง ไค๊ ทึ ก ม โล้ บี่ อี้ง, ท เด้บ้ะ โอ ดี๊ อ ดู้ง อ ยาง เกม๊า โพล้ง กุ้ อ แฌ้ ซี๊ง บี่ จะ เล้ นอ, กแช่ แยว้ อ โก้ง อ โบ้ง อ บลึ้ อ บลาง โอ ดี๊ อ ดู้ง อ ยาง, เกม๊า โพล้ง แบ อ ซ้ะ ดี๊ นี่ แบ ท ม๊า ล้างชู้ ล้างแกย ลู่ง กแช่ เยซู คริ้ อ กย้อง บี่ นอ ปะ ล้อ
ท ล แพ อี้ง พี่ น ซื๊ง ฌางแช้ ค๊องเนง อี้ง ล้างเปิ่ง ลู่ง น ซื๊ง ฌ่าง บี่ จะ เล้, อ แซ เมะ เว๊ ท ซี๊ง ล้อ
อ ไฌ่ บี่ อี้ง ท เด้บ้ะ อ แซ เมะ เว๊ ท ซี๊ง, แบเด้าะ กแช่ แยว้ อ ท เกล๊าง โปล้ นอ, เมะ เว๊ ท ม๊า ล้างชู้ ล้างแกย, พี่ ก โอ ลู่ง ก กแช่ เยซู คริ้ อ ซุ้ นอ ล้อ
ท ซี๊ง อ จืง อ แพล่ เมะ เว๊ ท เด้บ้ะ, ท เด้บ้ะ นอ นี่ อ ดู้ง อ ยาง ลู่ง โมเซ อ ทอางแม้เลา
เต้ๆ, นอ ก เว๊ แด กุ้ อ แฌ้ ก บี่ ซุ้ อซื๊งเว๊ ดี๊ ก แม้ โพะ กโพล้ง อ ท ยื้งแย่ อ ไค๊, ก แม้ ท กุ้ อ เม้ง พี่ ก ล้อง ก ย่าง ก เซิง ก ซ้ะ เกม๊า ก แม้, ลู่ง กแช่ แยว้ ซ้ะทาง ดี๊ ก ท เด้บ้ะ อ กย้อง นอ, ก แบ แบ ท แม้ เตา แม้ แต๊ บี่ ซุ้ โพล้ง อ แฌ้แพ
พี่ ท แม้ โพะ ท ซ้ะกวี้ง ล๊องก้อง อ ไค๊ นอ, เก ทาง ท เด้บ้ะ, ฌ้อง ท่อง ท เด้บ้ะ ดู ทาง เย้า นอ, เก ทาง ก้ะ ท ซี๊ง นอ ล้อ
ก เว๊ แด กุ้ อ แฌ้ โย้ นอ, ก แม้ เท่อ ล แบๆ, แอ เม้ง แอ มยู๊ ล้อ, โพล้ง พี่ อ ไคล้ เท่อ ลู่ง อ แบ กุ้ พ๊า นอ, เมะ โพล้ง ลู่ง อ ฌี้ อ แอว้ เมาน่าง, อ เว๊ แคแน ล้าง อ กแช่ อ ซ้ะ เก เลา ปะ นอ ล้อ
