18 ดี๊ ล ซีงแฌ๊ ดู้ง แบ ยาง แบ กแช่ แยว้ แบ เฆาะ”
อาบราฮาง ไคล้ช๊า-อ้ะ ไจ้ะเว๊, “เมะเว๊ จ ช๊องมอง-อ้ะ พี่ อี้ง นอ, ล โอ ดี๊ ท ดู้งแบยางแบ กแช่แยว้ แบ, อ ซื๊งเว๊ ม แม้ซี๊งไฆวะ แย้, ลู่ง จ แม๊ อกย้อง ล้อ
ทลือค๊างพะ เท่อ นอ, ไคล้ ลู่ง โพล้งอ้าโพล้งซ๊าง อ ซ้ะพ้า บี่อี้ง อเว๊ ล แบ ซ้ะเม กแช่แยว้ แบ
ลู่ง ท เซิงเท่งซ้ะโต้ ดี๊ ทโต้ทล้อง อกย้องนอ, ทเด้บ้ะ ออ้าอซ๊าง นอ, แบ ท แพล่ไฆวะ เว๊ ดี๊ ลู่ง ท ดู้งแบยางแบ กแช่ยาเว อกย้องนอ, โพล้ง แกยไฆวะ อ ซ้ะ ดี๊ ทอ้าทซ๊าง ซี
ไคว๊ น ซ้ะ ดี๊ โพล้ง ทเด้บ้ะ ล ฌี้ แบเด้าะ เกม๊า น ดู้งแบยางแบ กแช่ยาเว กุ้ช๊ากุ้โท่
ท ดู้งแบยางแบ กแช่ยาเว นอ, เมะเว๊ ท แช๊เมะไฌ๊ซ้ะ ดี๊ ทอ้าทซ๊าง แย้ จ แช๊เมะ ดี๊ ท ทื่งดูล้างซ้ะ ดี๊ ท ชีอูงพู๊ซ้ะ ดี๊ ทอ้าทซ๊าง อ เกล้ ดี๊ ทไคล้ คีงอูงคีงตู๊ง
แบ เด้าะ อ เว๊ ล แฌ้ เด้าะ นอ ไจ้ะ ไท้ เว๊ บี่ อี้ง, “น ล ซ้ะเม กแช่ แยว้ แบ-อ้า, น นี่ น เตา น แต๊ บี่ ซุ้ โละ ซ้ะ ล้อ
อซื๊งเว๊ ล ซีงแฌ๊ ท มึ ท พ้า อ เกล้ แบ
พี่ อ เว๊ ไจทาง ดึ้ แน้ ลู่ง เกล้, ดี๊ กึ้ทะ โพล้ง พี่ อ ไฌ่แช่แบ้แช่, โอ ลู่ง ทล่างไค๊, พี่ น ล้างเพาล้างแช่ ทเอ้าทอี แน้ นอ, ดี๊ อ เว๊ ล ดู้งแบยางแบ กแช่แยว้ แบ
ท อ ลู่ง เซ๊ ทาง ลู่ง ท ล่าง ชี๊น้าง ยู่แคว่ เท่อ นอ ไจ้ะ เว๊ แด “น ซื๊ง กุ้ อ แฌ้ พี่ เก กแช่ แยว้ อ เพล่ อ บาง, พี่ อ ดู้ง แบ ยาง แบ กแช่ แยว้, เลา ดี๊ โพล้ง ดู โพล้ง ปี๊ นอ อางปฆ้า ทาง ก กแช่ แยว้ เซ้อ”
