13 อ นุ้ นอ เก บี่ ซุ้ ท แซวคู พ้า พี่ อุ้พ้ะ ทาง อ ซ้ะ เจ่ อ พลี้ ไคล้ อางโล๊ อางเว้ง เท่อ ท ไคล้ พี่ อ แช๊ บี่ ซุ้ ฌู่ง อ จืง โอ ลู่ง อ นุ้ พ้า ไจ ทาง
อ เว๊ แม้ อ พลี้ เกม๊า อ ไอ, บี่ซุ้ดี๊ ฌู่ง อ พลี้ ฌู่ง อ จืง โอ ลู่ง อ นุ้เฌะ เช๊ละ เซ่-ลา
ทไคล้ ลู่ง อ นุ้ พ้า นอ, ออ้าอซ๊าง, ดี๊ อางโล๊ไละ เท่อ อเว๊ ล แม้ เท่อ ลู่ง อไพ่อแซย๊ ล้าแบ, ดี๊ ล แม้ ทฌี้ทแอว้ ล้าแบ
เมะเว๊ อ ซื๊งเว๊ ซีงลแพ อ นุ้พ้า นอ, ทเมะทโต้ ลโอแบ อซื๊งเว๊ อเซิงอซ้ะ นอ, เมะเว๊ ทแม้เฌ๊ฌ้อง เท่อ อซื๊งเว๊ อ โคะบ้อง พ้า นอ, เมะเว๊ ทพ้า เคิงล้างบ้า ทจู, พี่ อุ้พ้ะท๊าง อ ซ้ะ คระ อซื๊งเว๊ ไคล้ มึแน่ ดุ้ เท่อ ดี๊ อ พลี้
น พลี้ ช๊องมอง เว้ ทแม้ เซงทื่งเฌ๊ฌ้อง เท่อ บี่ซุ้ดี๊ โด้พู ลู่ง อไอ นอ ล้อ, แน้ โพล้ง อางโล๊ไละ เท่อ-เอ้อ
ยี๊แด จ มี๊งน้าง ลู่ง คี๊ยื่ง อซุ้อแกล้ โพล้ง พี่ แม้ เซงทื่งเฌ๊ฌ้อง กโพล้ง อ ทโอม๊า อ แซว๊ นอ, เมะเว๊ พ้าง, ดี๊ คลีงแช อ พลี้ นอ, เมะเว๊ น้ะ อ แน่ ไอ
เป๊งนี่ น ซื๊ง จูง แบอ้า ดี๊ ทซวีง ดี๊ น จูงโน้ง แบอ้า ดี๊ ทเด้บ้ะ ออ้าอซ๊าง น ซื๊ง นุ้เฌะ ไคล้ คีงอูงคีงตู๊ง เท่อ น พลี้ ไคล้พลื่งไคล้มวี๊ง ทอ้าทซ๊าง
อ คลีง แช โด้ง นอ, บี่ซุ้ดี๊ ทพ้า เคิงล้างบ้า ทจู กุ้แฌ้ เก โพล้ง ดึ้ซึ้ เท่อ พู
อ ซื๊งเว๊ แด ทแดเว้ ลเมะลโต้ แบ, ดี๊ ทพ้ะเว้โล้เว้ กไบล้ะกแบล ล เมะ แบ-อ้า?, เมะเว๊ น ซื๊ง ไจ้ะ บี่อี้ง, ‘กแช่ยาเว โล้ เว๊ บี่อี้ง’, ทึเมะ ก ล นี่ ไคล้ แบ ฌี้ นอ
โพล้ง กุ้ อ แฌ้ วีงโด้งโคล๊ง อ ซ้ะ ดี๊ กแช่ แยว้ อซื๊งเว๊ กุ้ อ แฌ้ ล กลุ้ ล จ้ะ แบ โพล้ง แม้ ท อ ฌี้ ล โอ น่าง แฌ้ แบ ล โอ แบ เฆาะ
ล เมะ บี่ นอ แบ เฆาะ, ทึ เมะ โพล้ง กุ้ อ แฌ้ คีงอูง เท่อ ฌี้ๆ, เมะ กแช่ แยว้ นอ ไคล้ ท อ ที๊ง อ โต้ ล้อ, บี่ ซุ้ ไละ ฌี้ ไละ แอว้ ไจ้ะ เว๊ “พ๊า ฌี้ พ๊า ฌี้ พี่ น ไคล้ เท่อ นอ อ ที๊ง อ โต้ โพล ทาง ดี๊ น น้า โพล้ง พี่ อ ไคล้ แน้ ล แพ นอ ล้อ”
อ ไซ้ะ ซไบ้ะแซที๊ง นอ, เก ฌู่ง อ จืง โอ เก ฌู่งซ๊าง อ จืง ชอง
