10 ดี๊ ไจ้ะ เว๊ บี่ อี้ง เด้าะ “โพล้ง กุ้ อ ชื้อ พี่ ล เมะ เก ยู แบ-เอ้อ เกม๊า น ซื๊ง ซ้ะอวีง ซ้ะโทะ ฆึ ดี๊ โพล้ง ล ชื้อ พี่ กแช่ แยว้ ลึ นี่ เว๊”
กเย่ บ้างมื่ง ลู่ง ฌางคูโคล๊งคู-เอ้อ, เกม๊า ซ้ะอวีงแท๊ เทว๊ เอะ กแช่แยว้ เกม๊า ซ้ะอวีงแท๊ อางปฆ้าทาง ทอดูทึโท๊ทึ กแช่แยว้เซ่-ลา
กแช่ยาเว ยู่แคว่แฌแซกต้าง เท่อ, เกม๊า ฌางคูโคล๊งคู ซ้ะอวีงซ้ะโทะ เกม๊า ฌางคู ปางเล พ้าไท้ะ, แอฌี่งแอฌ้อง นอ, เซิงมึซ้ะมึ
“เกม๊า ซ้ะอวีงซ้ะโทะ เท่อ ดี๊ เยรูซเลง, ดี๊ เซิงมึซ้ะมึ ดี๊-อ้ะ ไช้ะ กเย่ โพล้ง พี่ เอ เว๊-เอ้อ เกม๊า ซ้ะอวีงซ้ะโทะ เท่อ ดี๊-อ้ะ, ดี๊ ท เซิงฆวี๊งซ้ะโย้ ไช้ะ กเย่ โพล้ง พี่ มองแบม้ะแบ เท่อ ลู่ง อ เว๊ อ ฌ่าง-เอ้อ
“เกม๊า เซิงมึซ้ะมึ แดเทา, โพล้ง กุ้ที๊งกุ้ค่าง, ดี๊ กแช่แยว้ อพูอลี้ง ซีง-เอ้อ เมะเว๊ กแช่แยว้ ม แม้แกไท้ เอะ อเพล่อบาง อ ซวีง ดี๊ ม แม้แกไท้ อดีงอแด้ ดี๊ ม แม้ไฆวะ เอะ อพูอลี้ง อ ที๊งล่างค่างพ้า, พี่ อ แบอ้า นอ ล้อ”
