3 น แม้ไฆวะ น ทซ้ะทาง นอ เลาพะ น แกยไฆวะ ซ้ะ ดี๊ น ทซ้ะทาง พ้ะดู นอ
เกม๊าเต้ น ช๊องแน อ ทชูแพ อางท่าง เท่อ, ดี๊ อ ทอางโฆอางแย๊ นอ ลู่ง ทมุ้คู, พี่ เก น ล่างโอ นอ, ดี๊ ม๊า เกล๊าง เอะ-อ้ะ ทอเกิ้งอแบ, ดี๊ ทื๊งนี่นะนี่ น พู น ลี้ง พี่ อ แม้ ทเด้บ้ะ แบ แน้ นอ ล ฌี้ ไช้ะ
อกย้อง บี่นอ, กแช่แยว้ ไจ้ะเว๊ ม แม้เฌ๊ฌ้องไฆวะ อซื๊งเว๊ ลแพ นอ แบเด้าะ ฌี้ ลู่ง โมเซ พี่ กแช่แยว้ อางลึนี่ เว๊ นอ เฌ๊ ชี๊เทิง อางท่าง กแช่แยว้ บี่ซุ้ แกยไฆวะ กแช่แยว้ อ ทซ้ะทาง, ดี๊ ท แม้เฌ๊ฌ้อง
ทึเมะ บี่นอ ฌี้, ลู่ง กแช่แยว้ อ ทย๊างซ้ะ อกย้อง นอ กแช่แยว้ แพล่ไฆวะ เอะ, อ ทอ้าทซ๊าง ดี๊ ล นี่ แม้เฌ๊ฌ้อง เว๊ แบ กแช่แยว้ แม้ โอโท๊ไฆวะ, อ ทซ้ะทาง ไค๊คื๊ง ดี๊ ล ควิ้คว้ะทาง, อ ทซ้ะทาง พ้ะดู, เลาพะ นอ แบ
อาโรง ไคล้ช๊า-อ้ะ ไจ้ะเว๊, “เกม๊า จ เซงคู อ ทซ้ะทาง พ้ะดู ละเพา ซยุ้ทาง ล ฌี้ ไช้ะ, น ซีงแฌ๊ เย้า โพล้งเฌงพูฆ๊างพู ลแพ อี้ง นอ, แอ ลู่ง แบซ้ะ แม้ ทอ้าทซ๊าง
ล นี้ง แย๊ นอ, น ม ไจ้ะ บี่อี้ง “จ กแช่ยาเว-เอ้อ, จ ม ไจ้ะบลึ้ แน้ อไฌ่บี่อี้ง, ทึเมะ น ซ้ะทาง พ้ะดู ดี๊ แย้ ฌี้ นอ น ท ซ้ะทาง นอ แกยไท้ อ ซ้ะ เย้า ดี๊ น แม้ มึทาง จ ซ้ะ
น ซื๊ง กแช่แยว้ ไจ้ะเว๊ บี่อี้ง “เกม๊า แม้ชองทาง ซ้ะ, เกม๊า แม้ชองทาง กพูกลี้ง อ ซ้ะ
เกม๊า ไคล้ ดี๊ เยรูซเลง ลู่ง ท ช๊องมอง แบ อ ฌ่าง ดี๊ เกม๊า โล้ เอะ เว่ง นอ บี่อี้ง น ทน้ะทโน๊ง ทึไฆวะ เย้า ดี๊ น ทเด้บ้ะ นี่แบ ท แพล่ไฆวะ เย้า ดี๊ น นี่แบ เตาแต๊ ลู่ง กแช่ยาเว อ จูง เย้า เก คี๊งโทะ ลู่ง น ทไพ้ะทแม เย้า’,”
ดี๊ อ เว๊ ทุ้ แบ จ นุ้ ไจ้ะเว๊ บี่อี้ง, “อี้งเซ้อ, ท ล เม้ง อี้ง ทุ้ แบ น นุ้เฌะ เย้า, น ทไพ้ะทแม นอ, แบ ทแม้ไฆวะ, ดี๊ น ทเด้บ้ะ นอ, แบ ท แพล่ไฆวะ”
กแช่ยาเว ไจ้ะเว๊, มื่งนี้ง พ้า ลแพ นอ, ดี๊ อช๊าอโท่ พ้า นอ, ม อางฆื๊ง ทไพ้ะทแม ทเด้บ้ะ ลู่ง อีซลาเอง พ้า ล แด แบ เฆาะ, ม อางฆื๊ง ทเด้บ้ะ ลู่ง ยูดา พ้า นอ, ม ล แด แบ เฆาะ, เมะเว๊ ก ม แพล่ไฆวะ เอะ โพล้ง ลแพ นอ, พี่ ก เกม๊า อ ล้างลื๊อ โอก้ะ นอ ล้อ”
บี่ซุ้ น ม นางแบ-อ้ะ, ดี๊ โอ ดี๊ ท ฌางแช้, น ม อ้างทาง นุ้ ไคล้ ล้า แบ, เป๊งนี่ ฌางแช้เมะฌางแช้แน๊, พี่ ก เท้าไฆวะ ทแบอ้า ลู่ง ท กุ้เม้ง พ้า, พี่ น นี่ แม้ แบ-อ้ะ เย้า นอ”, ทอดูทึโท๊ทึกแช่ยาเว โล้ เว๊ บี่อี้ง ล้อ
โพล้งเล้ ม ซีงแฌ๊ ซี?, แบซีงลู่ง กแช่แยว้ ม แกยไท้ อ ซ้ะ, ดี๊ เปลงไท้ อ ซ้ะ, แบซีงลู่ง กแช่แยว้ ม แกยไฆวะ อ ซ้ะ ดี๊ ทซ้ะทาง พ้ะดู, บี่ซุ้ ก ล เซงทื่งเฌ๊ฌ้อง แบ”
กแช่แยว้ ม เฌ๊ไท้ ย๊างซ้ะแบไท้ เฆ้อ ได้ะ ดี๊ ม ไย่ทะ ก ทไพ้ะทแม ลแพ นอ กแช่แยว้ ม เว่งว๊าง ล้าง ก ทเด้บ้ะ กุ้เม้ง ลู่ง ปางเล อ ท โยะคิ้ พ้า
ลู่ง ไค๊ ล นี้ง เด้าะ นอ, โยฮาง แด แบ กแช่ เยซู เฌ๊ ลู่ง อ โอ, ฌ้อง ไจ้ะ เว๊ แด, “แคว่ เซ้อ, กแช่ แยว้ อ แกะ พู ลู่ง อ แม้ ไฆวะ โพล้ง ฌางคู คู อ ท เด้เทา เด้บ้ะ
ท พี่ แบ แม้ เฌ๊ฌ้อง เทว๊-อ้ะ นอ, ไท้ โชะ ไต้ะ น จูง ล ฌี้, บี่ซุ้ กแช่ยาเว ม แกยไฆวะ อ ซ้ะ ดี๊ อ ทซ้ะทาง พ้ะดู, ดี๊ เนโพลทาง อ ทย๊างเซิงย๊างซ้ะ แบ แน้, ดี๊ เอแน้กวี้งแน้, ดี๊ เกม๊า น แอทางโฌ่ทาง, ด้องซุ้ พี่ อ อืงล้าง เว้ เอะ น พี๊งชู้ พู๊งชู้ ลู่ง แย๊ อู้ง นอ ล้อ
“เกม๊า เซิงมึซ้ะมึ แดเทา, โพล้ง กุ้ที๊งกุ้ค่าง, ดี๊ กแช่แยว้ อพูอลี้ง ซีง-เอ้อ เมะเว๊ กแช่แยว้ ม แม้แกไท้ เอะ อเพล่อบาง อ ซวีง ดี๊ ม แม้แกไท้ อดีงอแด้ ดี๊ ม แม้ไฆวะ เอะ อพูอลี้ง อ ที๊งล่างค่างพ้า, พี่ อ แบอ้า นอ ล้อ”
