16 กแช่แยว้ ม ลื่ง-อ้ะ ดี๊ บืงซาลี, พี่ อ ฌี้ทึ “จ ม เกม๊า น แบเซิงแบซ้ะ ดี๊ นี๊จ้าง, พี่ เฌ๊นี่ ดี๊ โล่ง นอ ล้อ”
พี่ โพล้ง อางซฌ้ะ เอะ จ คางย๊างซ้ะ พ้า ดี๊ นู่งที๊ง ปไวะได้ะ ดี๊ โล่ง น๊างโพลง ลู๊งล้างนี่ เอะ แย้ ทซู อ กล้อง
กแช่แยว้ เกล๊าง ทฆู๊งทพุ้, ลู่ง น ค่างช๊า พ้า เกม๊า น บลิ้อาง ดี๊ บืงซาลี, พี่ อ ฌี้ทึ
โพล้งลชื้อแด นอ, อ ซ้ะ ล้างแช่ ดี๊ ว้ะโทะ, ไจทางนี่ ลู่ง อ ทล่างทุ้กดื้งซ้ะ, พี่ อเฌิ่งอค๊า พ้า นอ
ม โอ ดี๊ บืง ฆวี้ ทล่าง เพา ล้าง บืง ม โอ ดี๊ ไซ้ะ ซไบ้ะแซ ที๊ง, ดี๊ ทซู ล้างพะ อ โด้ง ล่าง
โอ้, แบซ้ะ เกม๊า อ ซื๊งเว๊ อ ซ้ะ โอ บี่อี้ง ครึๆ, เมะเว๊ ซ้ะ พี่ อ ดู้งแบยางแบ เฆ้อ, ดี๊ แฌแซกต้าง ก ทซองทซ๊าง กุ้เม้ง, บี่ซุ้ ม เก ท อ ฌี้ ดี๊ อ ซื๊งเว๊, ท้อง อ พูชู้ลี้งชู้ ล้างชู้ล้างแกย ล้อ
ท่อง อ ท้อง มื่ง เนว๊ นี้ง ล นี้ง พี่ มื่ง ล คลึ้ ล้างนึ ได้ะ แบ นอ, โพล้ง เว่ง พ้า ลแพ นอ โล้ เอะ เซงซาง ไจ้ะเว๊ “ทเม้งเล้?, ช๊า ฌี้เละ นี๊ จ้าง ทเม้งเล้?, ชองเละ คี๊ยื่ง” เซงซาง โล้ เอะ-อ้ะ ไจ้ะเว๊ “น เมะ ล แม้นี่ จ งู้ มู่น๊าง แม้ช้า แน้ แบ นอ น พ้ะ จ ทไคล้ ไก อ แซ ล ซี แบ”
