2 จ ม อ้างทาง นุ้, ไคล้ อางด้องล้าง เท่อ จ ม ไคล้, ทไคล้ไก, ลู่ง อไยะอเช้ อู้ง
จ ม ดุ้แน่ คุ้ช๊องแน ทอางด้อง จ ม อุ้ จ ทไคล้ไก อ โค๊, เกม๊า อ แบ โละซ้ะ ดี๊ ทแน่ พี่ โอ ดี๊ อ โน้ง
แบทเล้, จ แบ ซ้ะเม เท่อ ลู่ง ทน้ะทโน๊ง อ แค๊ พี่ โพล้ง แม้น้ะแม้โน๊ง เท่อ อ ทอ้าทซ๊าง โอ วะ แย้?
บี่ซุ้ เกม๊า แนทอางด้องล้าง ซี, ดี๊ ทไคล้ ด้อง เลา ดี๊ โพล้ง โอ ดี๊ ทโกงซีมองแบ อ ทไคล้, ดี๊ อ ซื๊งเว๊ อ ทไคล้ไก นอ ล้อ
เกม๊า นางแบ ท พี่ อ พ้องไฆวะ ลู่ง อ ไยะ เย้า อู้ เมะเว๊ ก เก กแช่แยว้, ดี๊ โพล้ง อ แฌ้แพ ล โอ ล้า แบ ก เก กแช่แยว้, ดี๊ โพล้ง เก บี่ซุ้ดี๊ เฆ้อ ล โอ น่างแฌ้ แบ
โล้ ท อ แฌ้แพ น่าง เม้ง เอะ, โล้ ล้าง ละ ล้าง เอะ โพล้ง ลู่ง ทอางด้อง ล้าง ล เม้ง ล้อ, ท่อง โพล้ง อ แฌ้แพ ไท้ เลา นอ, โอก้ะ อ พู อ ลี้ง ซีง ล มู๊ง นอ, กแช่ เยซู ปเล๊ เอะ เว๊ กเย่ อ ทอางด้องล้าง, เกม๊า อ ซีงแฌ๊ ท้อง อ เลา ล้อ
ดี๊ กแช่ยาเว ทิ้ทางไฆวะ อ ซื๊งเว๊ อฌี่งอเฌ้, ลู่ง ที๊งล่างค่างพ้า, ดี๊ ท ซ้ะทาง, ดี๊ ท ซ้ะทาง พ้ะดู, ดี๊ ญ๊องไฆวะ เว๊ ลี้ก้ะ ลู่ง ล ค่าง แด เด้าะ, ด้องซุ้ พี่ ท แม้ อ ซ้ะ ล นี้ง แย๊ อี้ง ล้อ’
