5 อซื๊งเว๊ ซีงลแพ นอ, ลน้ะลโน๊ง ด้องซุ้ โพล้ง อ แฌ้แพ แบ อซื๊งเว๊ ล นี่แบ ทอ้าทซ๊าง, ด้องซุ้ โพล้ง อ แฌ้แพ แบ
พี่ ล พ๊า แย๊ ทอ้าทน้ะ กึทาง นอ, โพล้งอ้าโพล้งซ๊าง แอ ลู่ง อ พ้องพลิ้ ซี อ เว๊ นี่ แบ ทแม้ช้า, เกม๊า พ้องไฆวะ ดี๊ กแช่แยว้ อ ทซ้ะทาง อ มื่ง นี้ง นอ ล้อ
พี่ จ นางแบทางไท้-อ้ะ นอ, จ พล่างซ๊าง เท่อ ดี๊ จไพ้ะจแย ว้ะโทะว้ะติ้
อ เด้า อ ล่าง นอ ล โอ ดี๊ ทซ้ะเมซ้ะไพล้ แบ ดี๊ กแช่แยว้ อ นางพลี, ล โอ ลู่ง อล้องอย่าง คู แบ
แคว่เซ้อ, โพล้งอ้าโพล้งซ๊าง นอ, แม้ อ ซ้ะ บี่อี้ง ล้อ โอโบโอโย๊ น๊างชู้, ดี๊ อ ทโอทางช๊องทาง
แบเด้าะ พี่ กแช่ แยว้ แม้ เตา แม้ แต๊ เฆ้อ นอ, อ เว๊ แด ซอง เฆ้อ ล้อ, บี่ ซุ้ ก ล ล้าง แบ เตา แบ แต๊ ฆึ ดี๊ โพล้ง ลู่ง อ ล แบ้ แยว้ แบ
น ซื๊ง เมะ ล แบ ท แม้ เตา แม้ แต๊ บี่ ซุ้ พู อ แฌ้แพ กุ้ อ แฌ้ แบ นอ, อ นอ, เมะ เว๊ น ซื๊ง ล เมะ พู ล้างเท่ง ล้างชิ้ แบ, แบเด้าะ เก พู พี่ อ แพ่ ล โอ แบ
จ เอ โพล้ง เล้ นอ จ ไจ้ะ จ ไคล้ ดี๊ จ พลี จ ท่าง โพล้ง ล แฌ้ นอ ล้อ, บี่ นอ อางกี ล้าง น ซ้ะ เมาน่าง, เปลง ไท้ น ซ้ะ อ ซ๊าง
