6 เกม๊า น เก บี่ซุ้ดี๊ ทเฌ๊ช้า, พี่ ล้างแบ ลู่ง นาง, พี่ ไร้ะ-อ้ะ เย้า นอ อ คู บี่ซุ้ดี๊ ทเฌ๊ช้า, พี่ ช้าล้าง แบโจ ฌางคูโคล๊งคู
แบด้อง ทโฌ่งทาง พี่ มื่ง เฌ๊ทาง อ แค๊ เมะเว๊ มโฌ้โค๊ พี่ ท เอิง ล โอ แบ เก ทพ้าง ลู่ง ทช้า อ ล่างไค๊, พี่ ดึ้ เกม๊า นาง เมทาง ลู่ง ฌางคู คู
กแช่แยว้ ชู๊ง ที๊ง, โพะ เว๊ อ กีงเท๊ ล่าง, โจ ฌี้ มะ ดี๊ เกม๊า กีงเท๊อี ล้างด้ะ เกม๊า ฌางคู เพาเล้า ดี๊ ทเฌ๊ช้า ดี๊ ชูฌี้ชูแอว้ เว๊ อ ทซูงทแซ
ทโอม๊า โอ ทโฌ่งทพ้าง พ้า, ลู่ง กจุ้แฆว้ อ เมะแซ พ้า ดี๊ ทแบเมะล้างซ้ะ-อ้ะ นอ, เก บี่ซุ้ดี๊ ทเอิง ทช้า, พี่ เบ้า ม เลา อว๊างอแค๊
กจุ้แฆว้ อ ท ซ้ะทาง นอ, บี่ซุ้ดี๊ คี๊ยื่ง แพ๊ อ ลู่ง กุ้ซย้ะ เท่อ แบเด้าะ กจุ้แฆว้ อ ท แบเมะล้างซ้ะ นอ, บี่ซุ้ดี๊ ปช้างที๊ง ลู่ง นาง คู
ก ม แม้ เกม๊า อ เก ทล่าง โอโปล้ ก้ะ กูกิ้ โพล้ง ม ล โอ ดิ้ไฆวะ อ ได้-อ้า, แม้ โบงทาง ฌางคู-อ้า, น่างแฌ้ แบ ทชูง พู ดี๊ ทชูง พ้ะดู นอ ม เมทาง ดี๊ ก ม อางแบเลา ทเอิง ล เกม๊า อ ฆวีงล้าง ทช้า ชู๊ง-อ้ะ แบ
เกม๊า ก ซีงแฌ๊, เกม๊า ก เฌา ซีงแฌ๊ กแช่ยาเว กแช่แยว้ อ ท เนโพลทาง อ ซ้ะ นอ, ล้างเท่งล้างเม๊ง บี่ซุ้ดี๊ ทพ้างทาง ลู่ง โฌ้โค๊ กแช่แยว้ ม เฌ๊ฌูง เฆ้อ ด้องซุ้ ทเฌ๊ช้า ด้องซุ้ ทเฌ๊ช้า แอ ลู่ง อว๊างอแค๊ ม เลา, พี่ ช้าล้าง แบโจ ฌางคู คู”
อ ซื๊งเว๊ ลแพ นอ ม โพะคอง ค่าง อะซีเรีย ดี๊ น้ะ ดี๊ โพะคอง ค่าง นีงโร้ะ ลู่ง กเย่ เกล้ นึฆ้าง เว่ง ดี๊ อ เว๊ ม แม้พ้องพลิ้ เฆ้อ, เกม๊า พ้องไฆวะ ดี๊ โพล้ง อะซีเรีย พี่ อ ซื๊งเว๊ เฌ๊ ค๊างพะ ฆ้าง ก ที๊งล่างค่างพ้า ดี๊ ไย่เละค๊างพะ ก ค่างช๊า พ้า
เกม๊า จ ทซองทซ๊าง ล้างช้าง ด้องซุ้ ทเฌ๊ช้า ล้าง ดี๊ เกม๊า จ ทลื่งทไคล้ คะจ้าง ล้าง อ ซ้ะ ด้องซุ้ ปช้างที๊ง ด้องซุ้ ท กมวี๊ง ล้าง ลู่ง นาง บางไพละ คู ด้องซุ้ ทเฌ๊ช้าล้าง พ้ะดู ลู่ง ทดุ้ทแล คู
